شورو عليا زوجي زعلان من رضاعتي لبنتي

يسعد مساءكم حبيباتي

زوجي اليوم يقترح عليا اقتراح اني افطم بنتي عشان احمل وبنتي عمرها تمنية شهور وزعلان وقالب خلقو بسبب دا الموضوع :( ويقولي انتي ما تحبيني و لازم من التانية يقصد انو يتزوج بس ما اعرف هوا بيمزح ولا من جدو فهل لو فطمت بنتي مو كويس عشان صحتها لانها ما تاخد حليب صناعي ما اتقبلت طعمو وعايشة على الاكل اللي بسويلها اياه وعلى صدري
برضو ببنتي الاولى من عمرها ستة شهور واحنا في زعل كل شهر والتاني بسبب الحمل الين حملت وهيا عمرها سنة واربعة شهور ودحين رجعنا في نفس الموال والله :(تعبت من قلبت الخلق والزعل ما ابغى ازعلو ولا ابغى اظلم بنتي رغم اني لسا ما نسيت الحمل والولادة وسكر الحمل اللي جاني والانسلوين وتحاليل سكر خمسة مرات في اليوم :06:

25 تعليق 3,998 مشاهدة

شاركي في النقاش

سجلي الدخول لإضافة تعليق.

التعليقات

23
  1. @thkk_hlm

    الله يعينك حاولي تعودينه على الصناعي علشان تنفطم بسهوله مشكلة هالرجال الواحد اذا حط بباله شيئ لازم ينفذه
  2. حبيبتي من حقك تكملي رضاعتها حولين كاملين ناقشيه في الموضوع ماينفع اسلوبه الي يسويه الحمل والولاده والتربيه مش شي سهل والله هذول العيال اخذوا من صحتنا الشي الكثيييييييييييييييير وهم ماايحسون

تابعي تجارب أخرى من هذا القسم.