شاركي في النقاش

سجلي الدخول لإضافة تعليق.

التعليقات

2,007
  1. صاحبة الموضوع
    hr5
    كود انا افكر أسافر بس للحين ما قررت عدل وين بالضبط ولا الوقت لأن زوجي مو أي وقت يعطونه اجازة وانا بعد معلمة فاحازتي بالصيف وصعبة يوافقوت على اجازة هالفترة ولو وافقوا لازم شغل زوجي بعد فبنشوف ظروفنا انزين كود يعني انتي مرتين حملتي خارج الرح…
    فعلا الصيف انسب للكل .. شوفي وضعج و فرصة تستخيرين و هيئ جسمج بالفيتامينات انتي و ريلج ..و جذي .
    انا مرتين حمل خارج الرحم كل كان حمل طبيعي بدون انابيب بس اللي قالته لي الدكتورة ان فرصة الحمل خارج الرحم في الانابيب اعلى لان الدكتور يبخ الاجنة بقوه في فممكن واحد ينطر او يفرط او يطير ( اختاري التعبير المناسب) لخارج الرحم .انا حملت مرة في الانبوب اليسار و شالوه لي لان انفجر و المرة اللي طافت في الانبوب اليمين بس هم حاولوا يحافظون عليه فخذت الابره اللي تذوب الجنين .. لكن في فرصة كبيرة اني اذا حملت بعد مرة يكون خارج الرحم .. و اذا صار انا بطلب يشلونه و افتك منه .. انا في كل الحالات اسوي انابيب فما تفرق معاي ما احتاج قناتي فالوب ..الله يعوضني خير .
    يصير في الم في جهه وحدة و حاد في الانبوب اليسار كنت احس الم في ظهري جهه اليسار الم شديد ما اقدر اقعد ..
    في المرة هذي انا كنت مصورة و قالتلي ان الجنين في الرحم بس انا جاني الم حاد اسفل البطن جهة اليمين فحتى قلت لزوجي لولا اني مصورة و قالولي الكيس في الرحم كنت قلت هذا حمل خارج الرحم نفس الالم سبحان الله بس في مكان ثاني ..لما رحت التصوير اللي بعده قالت رحمج فاضي .. قتلتها انا محلله من كم يوم و الهرمون عالي فحاست قالت في واحد ثاني في الانبوب سبحان الله .. ما احمل ولما احمل توأم و اللي في الرحم ينتحر و اللي خارج يتم .. ارزاق .. الله يعوضني و يعوضج خير .. صراحة تجربة مريرة اللي لا يكتبها عليج او على حد .. مجرد فكرة ان جينين وانتي مضطرة انج تذبحينه علشان مكانه .. كانج تقولين يا انا يا انت حياة واحد فينا .. :04:
    خلاص قلبتها محزنة قلبتي المواجع .. :35:
    و بس...


    Green Grass
    متى موعد الدورة ؟
    و سعة صدري مب من اليوم من زمان و مع الدفستون والابره .. سعة صدري صاري اكبر خخخخخ
  2. ههههههه ضحكتيني يا كود ،،، دورتي بعد بكرة وسويت تحليل طلع سلبي وفرحت وأبي الدورة تنزل احين قبل بكرة عشان ابلش علاج ،،، من صبح قرفة ،، عندكم اي طريقة تنزلها بسرعة ،، لأني ماخذة اجازة اسبوعيين ،، وأبي أبلش التنشيط مع إجازتي
  3. الله ييسر لج هالمرة كود بصراحة تعطينا دفعة معنوية صراع في سبيل الأمومة الله يخلي لج ولدج يا رب ويكون بار فيج وينفعج لما تكبرين

    أعرف وحدة حملت طبيعي من اول ما تزوجت وصار خارج الرحم وكان عندها مثل الي قلتيه من اعراض تقول ما تقدر حتى تقعد وتعقدت من هالشي وواجد جتها مضاعفات من العملية الي سووها لها وكانت صغيرة 18 سنة حينها

    بعدين تقول كرهت سالفة الحمل وصادني خوف وسوت مانع لمدة 5 سنوات والحين لها 13 سنة ما حملت

    تقول الحل اطفال الانابيب قالوا لها ،، عاد انا قلت لها تجبرتج وقلت لها بعد ترى حتى اطفال الانابيب ممكن يصير خارج الرحم وخافت مسكينة تقول انها تبي حل علشان ما تعيد التجربة الي صارت لها كلا تقولي الله لا يبليج بالي صادني والحمد لله رب العالمين انا دائما اقول ان بعد العملية شهر شهرين تصيدني التهابات وشوي تخربط الدورة وتالي ارجع طبيعي وهذا من فضل الله اهون من اطلع بحمل خارج الرحم او اي مضاعفات واتأذى

    الله يرزقنا جميعا
  4. صاحبة الموضوع
    كنت طلبتي حبوب تنزل الدورة من الدكتور و ريحتي راسج مثلي..
    القرفة ما اعتقد تأثر إلا اذا انزلت الدورة .. بس اخذي بندول او اسبرين شي يسوي سيوله في الدم .. و امشي .. هالايام الجو حلو .. و تسبحي بماي حار .. التنشيط مايبي اجازة و المواعيد تقريبا بتكون ٣ مرات يعطونج اجازةوبعد الارجاع يعطونج اجازة اسبوعين ..
    انا بكرة اخر حبة ..و بعدها الله يسير .


    امين الله يسمع منج ..



    يختي .. الحمد لله احنا ابتلاءنا اسهل من وايد ناس يعني انابيب قارني نفسج بالناس اللي عندها مرض خبيث بعيد الشر شوفي معاناهم .. الانابيب ما تقران فيهم
    انا بالنسبة لي العملية كانت اسهل من الابره ..بس سبحان الله كل واحد غير عن الثاني ..وقوليلها نسبة تكرار الحمل خارج الرحم ٥٪ فليش تضيع ال٩٥٪ الباقية علشان خايفة من ٥٪ ..
    طرشيها عليها و انا اهديها للانابيب خخخخ
    انا كل مرة اقول خلاص بس ما اقدر شي يرجعني بس على العموم هذي اخر محاولة في حمد المحاولة الجاية ما ادري وين في مركز ذرية .. في الاردن الله العالم وين رزقي بس انا ادور مكان في فحص جيني علشان اختصر على نفسي المسافة .. ولو فيهم مشكلة ما ارجعهم و اقعد اسبوعين انتظر .انا قريت عن حالات ناس يكون عندهم اجنة من الدرجة الاولى و اجنة من الثانية او الثالثة بعد الفحص الجيني يطلع اللي من الدرجة الاولى مب طبيعين فيهم خلل و اللي من الثالثة طبيعين يرجعونهم و يصير حمل .. سبحان الله ..

تابعي تجارب أخرى من هذا القسم.