منظر في السوق اتعب تفكيري !!!
السلام عليكم .. قبل كم يوم كنت في احد المولات في الرياض وانا طالعه شفت وحده سعوديه على بالها كاشخه الله المستعان خخخ المهم كانت تمشي طالعه من المول وجنبها عامل من احد المحلات اعتقد انه لبناني او سوري وشايل اغراضها مع ان اغراضها بسيطه تقدر تشيلها بسهوله جدا واخينا في الله طاقها سوالف معها لحد ما وصلو لسياره وكانت سيارتهم قريبه من سيارتنا طبعا هو فتح الباب الامامي وحط اغراضها مع السواق الفلبيني ودعها بحراره وهو يضحك مبسوط بعدها مشت السياره مابي اظلم البنت لكن من شفت هالمنظر وانا اقول اذا فعلا هالبنت ما تقرب له والغالب هذا الصحيح كيف وصلنا لهدرجه من التفاهه والجراءه يا بنات اقسم بالله حتى واحنا طالعين فيه وحده اعتقد انها في الخمسينات من عمرها كانت شايله اللثام لما شافت زوجي ملتحي رفعت لثامها على وجهها وهي كانت متكيه في مقهى سبحان الله تستحي من الخلق ولا تستحي من رب الخلق! اقسم بالله لو لا حاجتنا لسوق لما دخلت لا انا ولا زوجي في هالاماكن الي صارت اكثر من عفنه نسأل الله السلامه