أم عزان الغاليه انا رحت هناك لأن اختي خبرتني عنه وقالت مرت اخوي تمدحه وكنت اتحسب ان اللي فيه لبنانيات يقصن ويصبغن والله لو دريت ان اللي بتقص وبتصبغ عراقيه جان ما رحت من الاساس .. ويوم رحت هناك وانصدمت كنت ابا اكنسل وما اسوي شي بس غمضتني اختي قلت حرام يايبتني ومودره بيتها وابهدلها معاي فسويت اللي استوى وندمت اشد الندم وصرت اعض اصابعي من الندم ==> صار فلم لول
بس يوم رحت كانت تبا تدفعني اللي وراي واللي يدامي .. مره تقول لي كريم ولازم قلت لها احيده مع الصبغه ايي اذا بروحه مابا خساره .. قلت لها انا صابغه شعري قبل ومحد قال اللي تقولينه .. جان تقول انزين اونه بعطيج ببلاش وتمت تتمنن على راسي انزين يا حرمه قلنا ما نبا مافي داعي للرمسه الزايده
بعدين جان تطري السشوار اونه بسويلج سشوار وبيكلف عليج مادري كم قلتها اقطعيها من سيره ما نبا سشوارج انتي ما عندج الا طاري البيزات ؟ قالت شسوي اونه بسويه لج ببلاش .. قلت لها مابي اصلا انا ما اسشور شعري وما اباا اخربه
يحليلي والله ما اسشور شعري اصلا لو درى ريلي انها سوت لي سشوار كان بيزعل لأنه ما يبا شعري يخترب بهالخرابيط .. :( لأنه ما يحتاي سشوار اونه شو لازم تشوفين الصبغه والقصه وقامت حرقت لي شعري مع اني قلت لها اذا جي نشفيه بس من بعيد لكنها شكلها كانت ناويه على شعري نيه .. وصار اللي صار حرام والله خربت شعري الحين اتمنى انه يطول بسرعه علشان اقصه مره ثانيه
ولو كان ريلي يرضى اني اقرع جان قرعت ولا اشوف شعري جي يغمضني
`·.¸¸.·¯`··._.· (مرحباااا بتجمع اهــل دبـي والشارجـــه وعـــيمــان) `·.¸¸.·¯`··._.·
متابعة النقاش، صفحة 103