مين عندها خادمه ومرتاحه معه؟!

خواتي اغلب المواضيع تتحدث عن مشكلات الخدمات وبلاويهم وتلقين الوحده تسب وتشكي منهم مع كذا لوتجين تقولين لها استغني عنها او انتي منتي بحاجتها سفريها شوي وتذبحك يعني والله ماعرفنا لكم انا وحده ابي اتكلك عن نفسي انا ودي اقدم على شغاله وصراحه كل ماجيت اقدم وشفت هالمواضيع اخاف واهون سوالي يعني معقوله مافي احد مرتاح من وجود الخدامه عنده ويعني لهدرجه مالهم اجابيات انا عن نفسي عارفه ان مافيه حلاوه من غير نار وادري ان فيهم بعض السلبيات لكن بعد احس فيهم اجابيات مثلا تريح جسديا والوحده تتفرغ لزوجها وعيالها وتتفرغ لنفسها وحتى يمكن النفسيه تزين يعني انا ماعندي شغاله احس كل وقتي شغل وياليت يبين وبالنسبه لطبخ اطبخ اي الشي وبس وانا ودي اتفنن وانوع بس لين تذكرت حوسه المواعين هوانت ولاتقلون لي غساله مواعين جربتها يبي لها شغله ماتنظف زين وماتاخذ كميه مواعين واجد وتااخذ وقت وهي تشتغل وبعد مالقى وقت لنفسي ولزوجي ونفسيتي دايم تعبانه ودايم معصبه على عيالي ووراهم وراهم لا توسخون لاترمون لا تخربون وووو طيب الا متى يعني ابي الكل يتكلم الي عندها شغاله والي ماعندها بس تكفون الي عندها ومرتاحه معها تبشرني ولا تواخذوني على الاسلوب فضفضه واحده تعبانه ولهي عارفه وش تقول بس تكفون نبي نقاش هادف نطلع منه بفايده وياليت كل وحده تكتب تجربتها ومشكورين مقدما 

40 تعليق 11,964 مشاهدة

شاركي في النقاش

سجلي الدخول لإضافة تعليق.

التعليقات

40
  1. حنا عندنا خدامه ومرتاحين معها
    صار لها عندنا اكثر من 20 سنه
    من فتحت عيوني ع الدنيا وهي عندنا
    وماشاء الله عليها تروح كل 6 شهور اندونيسيا وتجلس اسبوعين وترجع لنا
    هي با نفسها تتصل وتقول يلا رجعوني
    كل مره تروح تقول خلاص ماراح ارجع وهي اللي تتصل وتقول ترجع
    هي مع العشره تتعود

    والحين تعرف كل شيء ماشاء الله ع انها تشتغل وظيفتين
    يعني تشتغل بالبيت ومع امي بالمشغل بس مرتاحه وماتفكر ترجع لديرتها هي حبت الشغل هذا خلاص بتكون تبيه
    ومن جاءت عندنا بالسعوديه تشتغل كان عمرها 18سنه صغيره
    واسلمت ع ايد امي وخلاص حبت العيشه بالسعوديه تحس بالامان اكثر من ديرتها

    في جد خدامات تلاقين فيهم بلاوي بس مو كلهم وربي

    مو بس اقولكـ تجربتي كثير من اهلي مرتاحين مع خدماتهم

    الخدامه هي تكون مرتاحه ع المكان والشغل

    وبعضهم تشوفين يجون مو لغرض شغل بس يبون يكسبون الفلوس با اي وسيله

    انتي شوفي اللي يريحكـ وتوكلي ع الله
  2. صاحبة الموضوع
    الله يجزاك خير ويتمم لك زواجك على خير ان شاء الله والله عطيتيني شوي امل وياليت نسمع من باقي الااخوات
  3. @lynh_2020

    أنا يأختي كانت عندي شغالة طيبة للأخير وكانت حنونةوتحب الاطفال مرة وعندي ولد تعبان خمس سنوات تحب مرة وشايلة البيت على راسهاحتى عند أهلي تشتغل وحنا معتبرينها وحدة من البيت والله الريال تلقاه قدمها وتجيبة لي في الأعياد تعطي ولدي عيديةوأنا معاية الدوالي مريحتني أسوي أكل وأوزع وتغسل معي كنهاأختي وبدأت أحفظ قرآن وبعدين سافرت وسوين لها خروج وعودة وكانت ماتبغى تروح بس أبوها زعل عليها وقالت أروح بعدين أخذنا أربعة شهور نستناها وزوجها قال لشغالة خالتي حامل وقطع أتصالاتها معنا ومرة أتصلت وقالت ماهي حامل وقالها زوجها مدام جابت شغالة عيالي الصغار للأن يتذكرونها ويقولون كلميها نبغاها ن بتكمل سنةوالأ شوفي ذحين دائما تعبانة الحمد لله والدوالي الساقين زادت معي وصرت عصبية مرة حتى أهملت بيتي وزوجي وصرت معاد أروح لأحد مافية أحد يمسك ولدي أدعي لي بالذرية الصالحة المعافاة السليمةحبيت أرد عليك وماهو كل الشغالات زي بعض
  4. صاحبة الموضوع
    الله يجزاك خير اختي لينه هذا الي كنت اقوله اصابعك مو زي بعض حتى هم حداتهم الحاجه وفيه كثير منهم يدورون العيشه والرزق ومافي احد خالي لابد كل انسان فيه بعض العيوب طيب من واقع تجربتكم وش الجنسيه والموصفات والعمر المناسب ؟وانتي اختي كرري ربي لاتذرني فرد وانت خير الوارثين وكثري الاستغفار وادعي الله وخصوصا في سجودك وتصدقي واحسني الظن بالله فسوف تجدين طلبك عند ملك السموات والارض العزيز الذي هو على كل شي قدير 

تابعي تجارب أخرى من هذا القسم.