ربنا معاكى يا ام يوسف و يوفقك يا رب رانيا ربنا يوفقك فى مشوارك يا رب و يفتح عليكى بالخير هيام معلش حبيبتى ربنا يهديلك زوجك يا رب و يصلح الأمور بينكم و يجمعكم على خير يا رب
جوزك مش يفرق معك معاملته خالص وحش ولا حلو انتي تعامليه حلو لأنك بتعاملي ربنا ، وبعدين يعني لو عاوزة رأيي بصراحة اوعي تتركي غرفة نومك وزوجك ، وبعدين فين كيدهن عظيم ده انتي تعرفي ازاى تخليه يجيلك على طول انتي اللي عارفة مفاتيحه وامتى عاوز يتدلع وامتى تسكتي وامتى تردي انا اللي هاقوللك برده اهتمي بنفسك يعني يقوللك احنا كبرنا ادلعي وقولي له انت لوحدك اللي كبرت ايه يعني ايه المشكلة، وبعدين هاقوللك حاجة في ناس شخصيات يعني مش بالضرورة رجل لكن هم بيحبوا يستفزوا اللي قدامهم فانتي المفروض تعرفي ان زوجك ممكن يكون بيعمل معك كده بينكشك يعني خصوصا لو هو متضايق منك في حاجة وشايلها ومش عارف يطلعها فانتي تعملي ايه تطنشي كلامه وتاخديه بهزار وادي دقني اهيه لو اتخانقتم ااو لاقيتي نفسك معكننة لو عملتي كده ولو اني حاسة انك ممكن ما تاخديش بالك من كلامي زى اللي قبله لكن حسيت اني لازم اقوللك