زوجه اخوي فضيحه

من حقها تأخذ راحتها في بيتها هذا رجل غريب والرسول صلى الله عليه وسلم قال الحمو الموت دوامه شفتات يعني ممكن يجي للبيت وزوجها غير موجود من يقدم له ويخدمه اذا اخوك المتزوج مقتدر يدفع له الاجار ويعزه بشقه لحاله والاكل الله يسلم المطاعم عيالنا ما ياكلون الا منها وما يدرون عن طبخ البيت راح زمان الاهل والاقارب يسكنون عند جماعتهم الشقق المفروشه ريحت العالم
انت لو يسكن عندك اخو زوجك طلعت لك قرون وشفتي المعاناة حب لاخيك ما تحب لنفسك

صراااااااحه كلامكم عدل 100%

بصراحه الله يهديها غلطانه وش يضرها لو جلس عندها فتره مصيره بيتزوج ويطلع عنهم واكيد إنه اغلب وقته نايم في المجلس ولا طالع خصوصآ إن الشقه تقول لها مدخلين يعني مايشوفها ولا يقعد ولا ياكل معها يعني ماخذه راحتها في بيتها وش بيضايقها فيه وإن بغت قفلت الباب إللي بينها وبينه
اكيد إنه سمعها هي واخوه يتهاوشون علشانه فترك البيت
ياكافي هالحريم التاليه مافيها حيا وماتبي تتحمل اهله ولا اخوانه وهو يركض ورى اهلها ويوديهم ويجيبهم وما يقصر معها في شي
الله لايحد احد لأحد خصوصآ في هالزمن

الله يجزى اخوك خير ويعوضه ابرك منها
مافيها خير يودي امها ويخدم اهلها وهذ ا جزاه الناس تدور الاجر بالناس الي ماهم قرايب كيف القريب وهذ عم اعيالها وسند زوجها وقت الضيق هذا حامي عرض بناتها بعد ابوهم من غير شر يجيه بعض الحريم مافيهن خير والي يقهر بعض الردود الي ترفع الضغط قال تاخذ راحتها ليه هو ناقز عليها في غرفتها اكثر بيوت الناس مجلس الرجال مع دورة المياه معزولين وش حشرها فيه والقهوه والشاهي بالترامس حسبي الله على كل وحده تفرق بين الاخوان وحسبي الله على كل وحده ما تقول الخير والصواب





ملاحظه اكثر مجالس الرياجيل هالايام فاضيه وتلقين اثاثه جديد وله عشر سنين ليه من هالاشكال