شاركي في النقاش

سجلي الدخول لإضافة تعليق.

التعليقات

101
  1. انا عندي خلطة ولك وعد ان الاثار بتقول بااااااااااااااااااي لك لكن انا من سكان الرياض وممكن اعطيك اياها بدون الالفين لكن تدعيلي الله سر امري انا من سكان الرياض انت وين ؟الخلطة اطلبة لك لا تشيلين هم بس كيف اوصلها ؟
  2. عزيزتي نهر الوجود...
    حالتك نفس حالة اختي . كانت بشرتها مراية مصقولة وفي يوم دخلت المسكينه مجلس حريم إلا وحده شهقت وقالت كلمتها، وحنا على نياتنا ما دقينا خبر للكلمة وبنفس اليوم بعد مارجعنا إلا اختي تشوف حبه بوجهها ويوم ورى يوم صار الوجه الصافي كأنه أرض جبلية وعرة والله بابنات شي مو طبيعي
    تحطمت اختي نفسيا وخصوصا بعد مادرنا المستشفيات وجربنا أدوية كثييييرة بلا فااااائدة
    وعلى فكرة يا بنات ترى الأدوية اللي أخذناها ممتازة بس مافي اي نتيجة تذكر لان طرقنا باب الخلق ونسينا باب الخالق .واستمرينا على هالحال ليييييين يأسنا تمااااماً بعدها قمنا نقول عين بس مين اللي عانها الله أعلم وفي يوم من الأيام وحنا نسولف طرى علينا يوم ربي أراد الحرمة اللي اشهقت وطواااااااالي أمي اعزمتها وقالت أبيك بموضوع ويابنات مثل هالمواضيع ماينسحى منها المهم قالت امي لها يا فلانه العين حق و و و وابيك تقرين عليها وتحطين من ريقك والحرمة جزاها الله خير ما مانعت ولا ولاولا بالعكس كل انسان ممكن تصدر منه العين لكن العيب والاجرام اللي ما يقرا ولا يعطي من غسوله
    وسبحاااااااان الله يا بنات بنفس الوقت واحلف لكم حلف يمين (والله الذي لا إله إلا هو) أنه بنفس اليوم قام يتنتف ويطيح وقامت اختي تشيله شيل بكل سهولة بيدها
    وقامت تبكيييييييي من الفرحه وكلنا تأثرنا اللي تبكي واللي خنقتها العبرة
    لكن للاسف في شيء واحد ما راح وبقى أثرة وهي
    الأدوية اللي أخذناها من المستشفيات بعضها سوت آثار
    وعموما القرآن شفاء للعين وحتى لو كان مرض عضوي فعليك به ومانتي خسرانه شيء
    وبوصيك على آيات معينه
    الفاتحه وآية الكرسي وآخر آيتين من البقرة وآية (67)و(68) من سورة يوسف وهي قول الله تعالى :(( وقال يابني......ولكن أكثر الناس لا يعلمون)) وآخر آيتين من سورة القلم آية رقم (51)و(52) وهي قول الله تعالى:((وإن يكاد الذين كفروا ليزلقونك بأبصارهم لما سمعوا الذكر ويقولون إنه لمجنون وما هو إلا ذكر للعالمين)) والمعوذات الثلاث
    ولكم مني فائدة:
    قبل ماتروحون عرس أو عندكم اطفال جميلين او نجاح أو اي نعمة أقروا على انفسكم هذا الدعاء(( أُعيذك بكلمات الله التامة من كل شيطان وهامة ومن كل عين لامّة)) هذا دعاء وقائي.
    وفائدة ثانية: اذا اعجبك شيء قولي ما شاء الله وايضا قولي بارك الله لك او عليك وليس تبارك الله
    أما تبارك فهذا ذكر وليس دعاء بالتبريك على صاحب النعيمة
    يعني ماشاء الله تبارك الله غير كاملة والصحيح ما شاء الله وبارك الله لكم أو عليكم
    ومني لك يا نهر والوجود واطلب من كل اخواتنا في المنتدى أن كل وحده قرت هالمقال تاخذ سجادتها الليلة وتطلب من الله الشفاء لها ولجميع مرضى المسلمين

    والبنات الي يعانون من حب الشباب في علاج مررررة روعة الي هو(proactive sultion) نفع مع بنات اعرفهم صفا بشرتهم واعتقد انه تطلبينه طلب .....وسلامتكم
  3. @marigold

    عديل الروح
    كلامك اثر فيني
    تعرفي انا مشكلتي شبيهه بمشكلة صاحبة الموضوع
    كانت بشرتي ولا اروع و خدود حمر
    لكن العين حق و بدت بحبوب سببها خلل هرمونات بس الأدهى شو تتوقعين؟ صار لي تجاعيد والله واااااضحة تجاعيد عميقة بدت و انا بعدي في عمري عشرين و الحين عمري 26 و لو تشوفين بشرتي تستغربين ان عندي مثل هالتجاعيد
    المشكلة اني شاكة في البنت اللي حسدتني و الادهى انها من ايام الكلية و لا اعرف لها طريق اقدر اخذ منها غسول او شيء من هالقبيل
    صار لي سنواااااااااااااات وانا اعاني بس هالمرة بجرب الرقية اللي كتبتيها بضمير والله يشفيني و يشفي الاخت صاحبة ا لموضوع
    والله اكتب و عيني تحرقني فيني دمعة ليش الحسد يا ناس ليش :(
  4. @noralkon_3

    عزيزتي جربي ماء زمزم نتايجه باذن الله مضمونه بس اهم شي انك تكوني جازمه ومعتقده بان الحبوب اللي بوجهك راح تروح بفضل الله ثم بفضل ماء زمزم توكلي على الله واستخدميه
    الرسول عليه السلام يقول (ماء زمزم لماشرب له ) ومين اصدق من الرسول ...............

تابعي تجارب أخرى من هذا القسم.