الله يسعدكم محتاجه ردووووودكم الله يجعل مثواكم الجنه خااااااااايفه من الولاده وبالخصوص ان الي قبل قيصريه والثانيه تقول بنحاول طبيعي يعني اكيد بطول بطلق مين جربت اوسمعت عن ابرة اظهر وهل لها اضرار ابي تجاربكم اوتجارب احد من الي تعرفونه
وهل مستشفى الحرس الوطني بخشم العان متوفره عنده والي يعطيها ثقه ولا تكفون محتاجه ردود على الاقل لوتعرفون موضوعي الي ماعندها جواب ولكم مني ****لله دعوات انتظر الجواب
وكيف عناية المستشفى بالام والجنين ويوفر لبس واحتياجت الام والبيبي ولا واطفل يكون بالحضانه ولاعندي انتظر الله يجعل من ترد علي اوترفع موضوعي يجعلها من اهل الجنه ويوفقها ربي دووووم
شاركي في النقاش
سجلي الدخول لإضافة تعليق.
التعليقات
14- والله يا عيوني انا اخذتها وكمان كانت بمستشفى الحرس
دكتور التخدير اللي اعطاني اياها كان مرررره شاطر الله يوفقه ويسعده ما حسيت فيها وهو يحطها ومررره مريحه وقت الولادة لكن مشكلتها بعد الولادة يصير معك آلالام بالظهر تقريبا نص ظهرك لو طخيتي ( دنقتي ) بتحسين كانه فيه سيف بوسط ظهرك يلمع عليك الالم اقلها وقت الركوع لو نزلتي ظهرك مررره بتحسين بهالشي اذكر جلس معاي هالالم سنه وزيادة .
افكر اذا ربي كتب المرة الثانية ما اخذها وقت الولادة بإذن الله - وعلى طاري المستشفى روووعه وعناية وتعقيم لا يعلى عليه ماشاء الله ..
واتوقع يعطون البيبي لبس من عندهم انتي خذي معك احسن
والطفل يكون عندهم يجيبونه لك شوي ويرجعون ياخذونه
والله يقومك بالسلامة ويسهل عليك يارب - اخذتها بولادتي الاولي و الله انها نعمة من ربي و ما شاء الله كانت و لادتي كثير سهلة و سريعة و ما حسيت باي اعراض جانبية منها بعد الولادة و نوية اخذها بولادتي الجاية بأذن الله
- انا ما جربتها بس قريت عنها يقولون ان الي تجيها هي الام في الظهر من اول تزيدها
واما الي ما عندها مايجيها الم والله اعلم
بس انتي اكثري من الدعاء والاستغفار واكثري من الصلاه على النبي والله كثيييير مفيده الصلاه على النبي وعن تجربه
والله يكتبلك الي فيه الخير - ماشالله نبي تجارب اكثر انا بكريه وزوجي يبغاني اولد فيه مااعرف عنه شي
خصوصا ان محد معي لحالي في الرياض
مااقدر اخذ بنج كامل بدون ابرة الظهر متخوفه منه
كيف اطلبه الابره؟
تنصحوني اولد وانا مو بديرة اهلي ?
مواضيع مشابهة
تابعي تجارب أخرى من هذا القسم.