نزلي حافز .. وطبعا لا يجوز لي ... ايش أسوي فيه أتصدق ولا ايش؟؟

لو الإعانه مليون بتقولون مايجوز لنا ناخذها وبنلغيها ؟

وحده كلمت الشيخ في الجواب الكافي اسمه ناصر وقالت اني قبلت بحافز وانا ماستحقه موقصدها انها عطتهم معلومات خطاء تقول من ناحيه المديه وني قدمت وانا ماعندي نيه اتوظف قال هذا من حقك ومافيه شيء والحين جالسين نطالب باستمراره لربات البيوت بعد يعني قولي لاله الاالله واستريحي ولااختي تصدقي فيهم

لاحول ولا قوة الا بالله

اقوووووول بس يازين الذمممه والضمير الصاحي بغض النظر اذا كانت تجوز او لا....يكفي انك فكرتي هي من حقك ولالا عشان مايدخل جوفك ريال حرام
الله يكثر من امثااالك
والله اني حبيتك في الله

يابنات لاصرت انا مظلووومه ومااعطوني حقي من بيت مال المسلمين يعني اااخذه بالغصب؟؟؟!!! الللا اصبر على الظلم ولاااصير ظالمه
يعني لاقالو لي ادارة المدرسه اللي تبي تغش تغش ماراح نجازيها ويمكن يساعدونها بعد ....اقبل واشاركهم الجرم على شان الاداره متخلفه وانسى اللي حرم الغش!!!!


الله يبارك لك يختي في رزقك على حرصك وذمتك.

والله اذا احد بيلوم نفسه زيك وبيعتبرها حرام فوالله ثلاثة ارباع البنات بيوقفوها اعرف بنات لساتهمم يدرسون بالجامعه وتنزل لهم مكافاه وجاهم حافز وناس وربي مو محتاجنيها مستغنيات وفي بنات زي حالتك يجيهم حافز وهم ماقد فكروا يبحثون عن عمل عشان ماعندهم شهادات ..
الحمدلله ان شاء الله انها من حقك هم دارسين الحاله صحيح ظالمين ناس كثير لكن ارضي ونصيحه لاتوقفينا الظلم والذنب عليهم