السلام عليكم .. كيفكم ياحوائيات ؟؟ إن شاء الله بخير أنتم ومن تحبون ..
أنا كتبت موضوع قبل فترة بسيطة عن تصرف صديقتي معي على هذا الرابط ..
http://forum.hawaaworld.com/showthread.php?p=72952831#post72952831
اللي حصل انها اتصلت فيه ثاني يوم وجلست تبرر وتقول المفروض بيننا ميانة وما ادري ايش .. ولا اعتذرت عن تصرفها !! لاحظت انها ماتعتذر عن غلطها أبداً ، يعني تذكر مبررات فقط لكن كلمة آسفة أو أعتذر لايمكن تقولها وكأنها ترى نفسها أكبر منها !!! لا واللي يضحك قلبت الموقف علي وتقول المفروض أنا اللي أزعل لأنك بعد ماقلت لي ابتجين عندي رحت لأهلك !! :eek:
المهم بعد ماكلمتني سبحان الله ربي مسح كل الزعل اللي كان في قلبي عليها ورحت لها في نفس اليوم :eek: واخذت لها هدية كمان :22: !! أدري بتقولون غبية بس والله أعزها حيل !!
وبعدين جلسنا كم يوم والأمور من أحسن مايكون بحمد الله ، وقبل أمس عزمتها على أساس نسولف ونسوي مع بعض سجلات وشغل يخصها ( دايما أساعدها واسوي لها سجلاتها لأني بحمد الله شاطرة في الشغلات هذي ) ..
سويت القهوة وصواني حلا وجلست استنيها ، وبعد شوي جات ومعاها شغالتها :42: .. عاد شغالتها هذي ما تعتبرها شغالة .. تعتبرها واحدة منهم ، هي حبشية ومن زمان عندهم وتتكلم عربي زين وفيها دين ماشاء الله وذوق وأخلاق مرة حتى أنا أعزها ...
حطيت السفرة وجلسنا نتقهوى وقامت صديقتي تتريق على نوع من الحلا اللي سويته !! وتقول انت ماتعرفين تسوينه زين !!وهذا خليه لنا احنا اللي نعرف له :eek: وطبعا هذا الكلام قدام شغالتها لأنها جالسة معنا :09: وما مدحت الأصناف الثانية مع انها كانت حلوة .. شغالتها طلعت ذوق احسن منها وجلست تمدح وتقول ولله حلو ويعطيك العافية ...
المهم أنا ولعت من جد :angry2: لأني ماتوقعت هذا الشي منها وحسيت اني انجرحت من كلامها وحاولت ما أبين لكن أنا الزعل يبان عليه بسرعة ...
وما كفاها اللي سوته !! اذا بغت تسولف تسولف مع الشغالة والا تتصل بالجوال وأنا مطنشتني !!
وبعد شوية راحوا قمت ارسلت لها رسالة وقلت فيها لو تصرفت معاية مرة ثانية كذا راح تخسريني وللأبد ..
قامت اتصلت وجلست تبرر كالعادة وانا ما أقصد وانت حساسة وووو وطبعا بدون اعتذار ..
بالله إيش رأيكم فيها ؟؟ وكيف اتعامل معاها بعد اليوم ؟؟
الموضوع مغلق