قدور الستيل ستيل سؤال بليز للي يستخدمونه

السلام عليكم حبيباتي
انا وبناء على نصائحكم اشتريت طقم قدور الستيل ستيل وكمان انتبهت على انها 18 على 10 وكنت مره فرحانه فيها لكن ماعرفت لها الاكل يحترق فيها وحتى الكشنه تتحرق من الاطراف مقهوره مره على ما اجتهد بس اغفل لحظه يحترق المشكله شريتها وجت سكنت ام زوجي عندي لفترة وكلما طبخت احترق الاكل او شيء منه والقهر اني تخلصت من قدوري الاولى لانها انتهت صلاحيتها(اه على تيفالاتي اشتقت لها ) اليوم قصرت على قوة النار من ساعه اسطوانه الغاز ولكن كمان احترق اطراف القدر ابيكم تعلموني كيف استخدمها وكيف انظفها اثر الحروق ومن تحت قلبت اصفر واثر المويه الدموع بليز بليز ترا طول حياتي اطبخ في التيفال اللي مستحيل يحترق فيه شيءوشكرا لكل من تمر وتساعدني

14 تعليق 4,831 مشاهدة

شاركي في النقاش

سجلي الدخول لإضافة تعليق.

التعليقات

14
  1. @brona

    والله انا قدوري ستيل
    وعادي حركي الكشنه ومايحترق يعني انا عادي مالاحظت الي انتي تقولين
    وتنظيفه بعد عادي بالسلك والصابون يطلع يللمع
  2. @mzon_mkh

    اذا النار مخفظه مايحترق معاي بالعكس احبها وماأستغني عنها بس مع الوقت والاستخدام المتكرر ا يكون الغسيل من برى يحتاج شوي مجهود انا انقعها بكلوركس وافركها بالسلك الناعم,,
  3. @aanakyd_alnor

    لازم تكون النار هادية والقدر متوزان يعني ما يكون مايل والنار من جهه ولا تكثرين الزيت للكشنة وخلي عينك عليه حركيه كل شوي بالملعقة الخشبية...
    امممممم بالعكس ترى هو ممتااااز وبالنسبة لتنظيفه عادي بالاسفنجة واذا فيه شي لاصق بالليفة والافضل تنقعينه عشان تذوب الاوساخ ومن تحت نفس الشي بالليفة الناعمة يرجع نظيف... ترى لانه جديد شوي وتاخذين عليه وترى التيفال خطيييير لان مادة التفلون السودا تختلط بأكلكم ....
  4. صاحبة الموضوع
    يعطيكم العافيه انا غيرت لاني اقتنعت ان التيفال مضر ولا يعيش لكن ابغى نصايحكم وتجاربكم وان شاء الله اتعود عليه انا الحين احاول ةبشده اني اغير من عاداتي في الطبخ ولا عاد ابعد من عند القدر لكن اكيد بستفيد من تجاربكم لانكم تستخدمونها من زمان
    شكرا لكن ولنصائحكن شكرا لك عناقيدالنور

تابعي تجارب أخرى من هذا القسم.