ماهي اخطائك مع الطفل الاول ؟

اكبر غلط في بنتي البكر عودتها علي النووم بالهزازه
وتعبتني معهاا

من جي اخووها طنشته وعودته ينام بفراشه بدون هز ولاشي

سسسبحان الله التعلم لازم يكون بالطفل الاول

رفع للفايده

انا ماعودت ولدي ع الجلوس ولا حتى اوقفه واصلا كنت اخاف يصير له شي اذا شلته البسه واعطيه الرضعه بدون ما اشيله وتاثر عليها الاطفال اللي جو بعده الحين ماشاء الله يمشون الا هو وماجلس الا ع سنه وثلاثه اشهر وكله عشان ماعودته

انا الحمد لله كنت معودة بنتي على اشياء كثيرة حلوة خخخ

يعني ماعودتها على الرضاعة خلال النوم والحمد لله من عمر 7 شهور وهي تنام متواصل من دون رضاعة ..

ماعودتها على الشيل والهزهزة من ولادتها ممنوع احد يشيلها والحين مرتاحة تلعب وتروح وتيجي ماتهتم اني اشيلها ..

عودتها اني افرش سنونها من اول سن طلع الها والحين عادي قبل النوم افرش الها و هي تفرش لاخلصنا عشان تتعود ..

عودتها تنام في سرير لوحدها من ولادتها صحيح تعب كل شوي اقوم لما كانت صغيرة بس الحين مرتاحة

طبعا لابد من الاخطاء و الحياة تجارب ..

اخطائي معاها لما صار عمرها 9 شهور اعطيتها لهاية !! مدري وش احس فيه ومرة تعبت معاها ماتنام الا عليها وصار نومها قلق عشانها .. بس الحين الحمد لله قطعتها و ارتحنا منها .. ورجع نومها انتظم

ماعودتها تشرب موية وماتحبها والحين احاول اعطيها 3 مرات باليوم بكاسة تشرب وتطلعه تلعب فيه اف مدري كيف راح تتعود

عودتها على التيفي لازم مفتوح مع انها ماتتفرج الا قليل بس لازم مفتوح .. ولازم الايبود بيدها ولما نطلع لازم معانا ولا مأساة راح تصير بس الحين صرت احط الها برامج تعليمية عشان ارقع شوي الخراب الي سويته

الله يسعدكم يالغاليات على المشاركات الحلوه
ولاحظت الاغلبيه مشكلتهم بالنوم وطقوس النوم هههههههه
الطفل الاول نبغى ندللة وندلعه ومانعرف إنه هالشيء يضره ويضرنا
وحلو كل شيء يكون وسط لاإفراط ولاتفريط
واختي ريمي
ماشاء الله حلومن البدايه عودتي بنتك على اشياء كويسه
الله يحفظها لك يارب
ويحفظ لنا جميعآ اطفالنا ويبارك فيهم يارب