عذرا.. لكن بعض بنات المنتدى عندهم انفصام في الشخصيه

كلاااامك صح
الزوجه داااائماً هي اللي معها حق واهل الزوج سواء من اخت او ام الزوج على خطئ
وكل شي يهون عند الردود اللي تفتقد للمصدااااقيه ومليئه بالتحيز الا مارحم ربي
( خففي زيارتك لهم + خليك رسميه ) :35:
اساساً عضوات عالم حواء مع احتراااااامي الشديد لهم ردودهم و الحلول اللي يطرحونها
لصاحبة المشكله غالبيتها متحيزه وينظرون دائماً للمواضيع بنظره نااااقصه ومن زاويه وحده
فانا وبعييييييد الشر عني ان شاءالله لا يمكن اني اطرح مشكله تخصني هنا ابداً بداً
ع فكره انا متزوجه وعندي سلفات واخوات زوج واخوان زوج وام زوج الله يحفظهم ان شاءالله[/quote


بالضبط عرفتي توصلي الي ابغى اقوله ...

بنات انا ما اعمم وانا قلت كذا في موضوعي.. انا داريه في زوجات اخ تحطينهم على جرح يبرى واهل زوج يغثووون غث وما ينفعهم معهم الطيبه ...

بس انا الي شفته بالمنتدى انهم دااااااااايما في صف الزوجه ... والله الغلط واضح من زوجة اخوووهم مليون بالميه .. والبنات يردون اكيد انكم مسوين لها شي واكيد انكم منكدين عليها .. لكن اذا الزوجه الي كاتبه يبدا موضوع الدعاء والله ينتقم منهم وكل الردود في صف الزوجه ...

انا هذا الي اقصده واسفه اذا ما وصلت المعلومه صح ..

بالنسبه لي اهل زوجي يخافوون من العين بشكل رهيييييييييب ... مايعلمون احد ابد يمكن حتى اخوهم ما يعلمونه الا وقت ما يعلمون الناس... ليش اتعب نفسي واتعبهم معي هم حرييين وهذا طبعهم .. مو لاززم يعلموني ... وانا بعد ما اعلمهم اي شي يخص اهلي وحتى زوجي ما اعلمه ...

وانا عن نفسي اعتبرهم يحترموني اذا عاملوا عيالي مثل باقي عيال العايله ... قدروني بمناسبتي ... وما يغلطون علي بالكلام ... انا عن نفسي هذا الاحترام بالنسبه لي ...

والي تقولي انتي تدخلين قسم حياة اسريه سعيده اكيد بتلقين هذي المشاكل ... انا دايم اقول مفروض يغيرونها ويخلونها حياة اسريه تعيسه .. نادر ما تلقين موضوع فيه مدح او موضوع فيه فايده تتعلق بحياة اسريه سعيده على قولتهم ... ..

وانا اموووووووت على هذا القسم وانا وحده مثلي مثلكم.. مرات اذا دخلت القسم اجيب قهوه وحلا واحس اني رايحه جمعة حريم ..

اخيرا.. انا ما قلت انا صح وانتوا غلط ... بس حبيت ابين لكم وجهة نظري

وشكرا على مرور يا احلى البنات ... واسفه يمكن اختياري لاسم الموضوع كان خطا بس انا كان قصدي كلكم تردون من مبدا انكم زوجات ولستم اخوات زوج... يعني يمكن وحده فيكم جالسه ترد على زوجة اخوه تقولها ا خليك رسميه مع اهل زوجك ولا تعطينهم وجه :35:

وسلامتكم

صراااااااااحه درر
اولا :ليييييييييه اعور
راااسي زي انا اخت زوجي
جوا شافوها شوووفه شرعيه
وانا دريت من بنات جيراننا
ولا همتني و بالعكس اقوول الله
يرزقها و يبعدها عني


ثاني شي :موكل اخوات الزوج طيبين
بعضهم والله شياطين على الارض اعوذ بالله
انا وحده من اخواتي اخوات زوجها ثنتين عن عشر منغصين
عليها عيشتها يسموون بدنها ب الكلام الجااارح

ف اللي ابغا اوصله ان اصابع يدك ماهي زي بعض

ان شاء الله فكرتي وصلت بشكل واضح

يابنااات ترى موملزومات تعاملينهم مثل ماتعاملين اهلك
بس عامليهم بمايرضي الله
ولاتسين الدنيا دين وسلف

ع العموم انا اشوف ان امهات الازواااااج مظلومااات
غالبا وتلاقينها تسكت وتداري عشان ماينهدم بيت ولدها

شكرا على المروووووور ....

واحلى ورده لاحلى بنااااااااات ( ورده) مااعرف وين اختفت الايقونات