ضيافه تعارف

السلام عليكم
انا توني ساكنه شقه جديده والجيران بيجون يتعرفون علي:icon33:
نقلت خمس شقق من تزوجت ولا قد تعرفت على احد هذي اول مره ومتوهقه حيل بالضيافه لان ماقداختلطت باحد ابد ولا اعرف بالضيافه ولا فنها شي
مدري شنو اقدم لهم ولا اعرف كم عددهم تقريبا ثلاث او اربع او ممكن عايله وحده تجي مدري لان الكلام بين الرجال :( وهم بيجون وقت المغرب او العشاء او العصر ماعتقد فيه عشاء
الزبده شنو اقدم لهم وبشنو اقدم طبعا كل شي من برا ماعدا الشاي والقهوه في البيت واقرب شي لي سنابل السلام ومخابز هرفي
طبعا بيكون يوم للحريم ويوم للرجال :44:
وايه كمان شنو تلبسون هههههههه وكذا ترى مدري وش الطبخه ساعدون من طق طق لسلام عليكم الله يجزاكم خير ويسعدكم ويحقق امانيكم

5 تعليق 1,500 مشاهدة

شاركي في النقاش

سجلي الدخول لإضافة تعليق.

التعليقات

5
  1. @groh_troh

    مبروك النقل ولاتشيلي هم الموضوع مايبغاله كلفه هذي تعارف قدمي اول شي عصيرات مشكله وسوي ثلاجة قهوه وقدمي معها تمر وقطع كيك صغار من سنابل مابتكلفك ومعمول والشاي قدمي معه مكسرات مالحه ويابانيه واذا حبيتي تقدمين معاه معجنات براحنك وخلك عاديه بلبسك وشكلك ترا البساطه حلوه البسي شي يريحك بالجلسه والقومه وان شاء الله تستانسون ويمكن يساعدونك وكل وحده تجيب معها شي ماتدرين
  2. @om_lolo_o_yoyo

    نفس كلام الأخت جروح تروح و زي ما قالت لك هذي اول مرة و تعارف و لما تزوريهم انت المرة الجاية و تشوفي طريقتهم بالتقديم بتصيري تعملي زيهم اما اللباس طبعا لازم يكون شي حلو و مرتب مميز و بنفس الوقت عملي :):)
  3. @aaakhr_allyl

    صباح الخيرات ..

    لاتشيلي هم .. كلها شاي وقهوة وتمر وأي نوع حلى أو شوكولاتا ومكسرات

    وقدمي بصواني فواكه وفطاير صغيرة مشكلة مع أكواب عصير وكيك

    وإلبسي جلابية مرتبة وأهم شي نظافة المجلس والبخور .. وجهزي كل ضيافتك قبل يجون ضيوفك

    حتى ماتروحي وتجي وهم جالسين ويبان عليك التوتر ..

    موفقة
  4. @theliveh

    شوفي حبيبتي اذا عندك غرفة حريم جهزي فيها القهوه والشوكولاته

    والحلا او الكيك اللي بتقدمينه

    وكمان الشاهي والمكسرات اوالمعجنات علشان يكرن كل شي جاهز مايحتج تروحين للمطبخ وتشيلين بالصحون

    واذا جوك الضيوف ضيفيهم بالصاله وقدمي العصير واذا اكتملو كلهم دخليهم ع غرفة الحريم اللي بيها القهوه

    وبالنسبه لشكلك حطي مكياج خفيف واذا شعرك قصير مايحتاج ترفعينه واذا طويل سوي ذيل حصان مع غره

    اسهل لك واللبس بنطلون جينز او تنوره قصيره مع كعب

    اتمنى اني افدتك وعذرا ع الاطاله

تابعي تجارب أخرى من هذا القسم.