شاركي في النقاش

سجلي الدخول لإضافة تعليق.

التعليقات

40
  1. @miss_attractive

    انا تقريبا نفس حالك كنت اكره نفسي لا راحه صار وضعي من الدوام إلى بيت الوالده الى بيتي اوصل هلكانه مصروعه اولادي كبرو وحياتي لخبطه واكره لما اشوف اولادي مصحصحين اتعب ابغى انام لو شوي عشان ارتب شغلي في الليل ...

    والله احط لهم اكل في الصاله واشغل سبيستون واقفل الابواب وانام في الصاله .......

    حاليا ارتحت لانه جايبة شغالة امي يوم عن يوم تجي معايا العصر و ارجعها بعد ما تخلص شغل ........


    انت فكري عندك واحد طيب بكره لو صارو 2 او 3


    وش بتعملي .....




    طيب ليه ما تخلي دوامك مساء زي زوجك ..........


    اما تعلق ولدك في امك شيء عادي عارفه انه شوي يزعلك بس مشي حالك ....
  2. @thf

    أشوف الأضرار اللي جتك من ورى هالوظيفة أكثر من النفع ..

    الناس تبي الفلوس عشان ترتاح وتستقر .. لكن لا أنت ولا زوجك ولا ولدك حاسين بالإستقرار ..

    رأيي تتركين هالوظيفة .. واذا لقيتي غيرها بس يكون دوامها أقل يكون أفضل وإلا اقعدي ببيتك .
  3. @sghyr_oroaa

    انا دوامي من سبعة ونص الى اربعة ونص بس الحمدلله قدرت ادبر اموري اولا جبت شغالة بعد ما كنت رافضة وجودها تماما واللي غير رايي معلومة قراتها واقتنعت فيها يقول لك لو انت موظفة وتحاولي تلحقي على كل شئ ورافضة تجيبي شغالة فانت راح تجيبيها غصب عنك وعمرك اربعين سنة والسبب ان جسمك راح يهلك بدري لانك حملتيه فوق طاقته وفي النهاية جايبة جايبة بس ايهم احسن تجيبيها وتحافظي على صحتك والا تجيبيها بعد ما تخسري اعز ما تملكين؟!!
    المهم جدولي كالتالي بالنسبة للاكل اطبخ الجمعة جميع ادامات الاسبوع وكذلك الفطور والعشا مثل الفول والعدس والبزاليا..الخ اما تلاضافات البسيطة مثل البيض الجبن المقبلات فهذه ممكن مع تحضير الوجبة
    اما التنظيف على الشغالة عدا غرفة النوم انظفها كل اسبوع واتفنن فيها كل يوم ريحة شكل ونصيحة اذا جبتي شغالة لا تخليها تطبخ ولا تعطر لك البيت لان ها لا شياء الرجال يحب يشوفها من زوجته وبعدين هالشئ يضعف ثقتك في نفسك وبحسسك ان وجودك مو مهم في البيت عموما اكمل لك واخط لك في كل دورة مياه معطر بخاخ شكل وكل ما دخلت الحمام ابخ بختين
    اما الترفيه اخصص يوم في الاسبوع لي ولزوجي واولادي نطلع في سوا واذا كنت ابغى اكون مع زوجي بس احطهم عند اهلي اواخليهم مع الشغالة في البيت(مركبة كاميرات) ومخصصة يوم الخميس للاكلات المميزة حلويات كيكات اختراعات جديدة والاهم من هذا كله استعيني بالله على هالامور وادعيه وشغلي البقرة دائما في بيتك وحصنيه....عندي افكار كثيرة بس تعبت من الكتابة اه نسيت اقول لك تجهيز اغراض الدوام خليها من الليل احسن

تابعي تجارب أخرى من هذا القسم.