شاركي في النقاش

سجلي الدخول لإضافة تعليق.

التعليقات

1,327
  1. @gody_alamor_1

    صاحبة الموضوع
    مرحبا كيف الحلوين اليوم وشو اخباركن؟؟؟؟
    اليوم حابة انو نفتح ونتناقش بموضوع كتير حلو وحساس
    وكمان بنقدر نتبادل خبرات كل وحدة والموضوع هو
    كيف بتقدري تحافظي على الاجواء والتقاليد الشامية وكانك عايشة ببلدك
    وكيف بتربي اولادك عليها
    والسؤال موجه للكل عامة والغتربات باوروبا خاصة
    وانا رح كون اول مين رح يرد وانا متجوزة اردني يعني مو متل اجوائنا كتير بس بيعيش معي كل لحظة بلحظتها وعم علم بنتي حتا الحكي السوري والاجواء الرمضانية والعيد وحتا الطلعات كمان على الطريقة السورية والحمد لله كتير متفهم حتا هو صار يحكي سوري ويلي بيشوفه بيفكروا سوري
  2. @bth151

    عاشقة الحب
    مرحبببببببببببا بأحلى سوريات اول شي شكرا حبيبتي ساجدة على الرسالة تاني شي انا مع الاخت فتاة سورية فعلا تخفيف الاكل وممارسة رياضة المشي خاصة فعال جدا والله يابنات انا لما ولدت بنتي سوسو :27: وصل وزني بدون مبالغة لل 95 وقبل الحمل كان 60…
    مرحبا اخواتي كيفكن جميعا
    بالنسبه لزيادة الوزن مشكلتي هي عدم تناسق جسمي يعني نحيفه بالقسم العلوي من جسمي ومعبايه كتير بالقسم السفلي (اكيد فهمتو عليي):(
    والسبب هو القعده بالبيت وقلة الحركه:42:
    لما تزوجت:icon28: كان وزني 48 كغ:) وهلا حوالي 55 كغ :eek: والسمن كله بالقسم اسفلي من جسمي
    وبعرف ان الحل الوحيد الي هو المشي والرياضه :7_5_127: بس بهالجو صايره ما عم اشبع نوم ابدا وحتى بشغل البيت كسلانه وماعم يجي على بالي الا النوم مع اني بفيق الضهريات بس هو بيجي المغرب مابلاقي حالي الا نعست وبلشت متاوبه وعيوني تدمع وما بصحصح الا بكوب نسكافيه كبير:32:
    وانشاء الله ليستقر الجو اكتر بدي بلش امشي والعب على جهاز الرياضه اللي عندي بالبيت (باليوم تقريبا 4 فصول السنه بكون شمس ودفا ما بتلاقي الا غيمت السماء وبلش المطر والبرد) سبحان الله تعالى
    ودمتن برعاية الله وحفظه:26:
  3. شكرا حبيبتي ساجدة على الرسالة
    معلش سامحوني مشغولة شوي هاليومين
  4. @mzon84

    كيفكون يابنات
    مشان الأخت جودي
    فأنا بحاول أعمل أي شي يذكرني بالأجواء الشامية
    وماعم يطلع معي غير بالأكل والمشكلة أنو الأوزان عم تزيد بهي الحالة
    الله يعينا
    وشكرا للأخت ساجدة على الرسالة وعلى الاهتمام بالمحافظة عالموضوع
  5. @sham_1

    الاجواء الشامية يا عيني .....

    والله ما بتذكرها إلا لما اسمع حدا عم يحكي شامي .....

    والحمد لله عندي كم وحدة شامية ظراف هون وحكيهم مظبوط وبايخد العقل .....

    أما ببيتي فبحاول احكي انا كمان لهجتي الشامية وما بغيرها للأنكليزي وبعلم ولادي يحكوا كمان هيك ...

    واحيانا بالمنتدى بكتب شامي مشان انبسطو انا عم اقرأ حكياتي .....

    وشو كمان ؟؟؟؟؟

    هي هي القصة

    ما في لا أجواء ولا هم يحزنون

    الله يعينا يا رب ويقر عينا بشوفة أهلينا وحبابنا ......

    ساجدة غاطين والله مشغولين مو منشان شي

    بعدين انتو ماكنتوا تفتحوا موضوع لحتى نحكي فيه

    الله يهديكم

    شغلولنا مخكم شوي

    وقصة الريجيم قصة ........ انا مطبقة اللي قالته فتاة سورية الله يجزيها الخير

    وعم حاول خفف اكل

    بس نبارح عملت كيك للاولاد مع الشوكولا ....و الله يهديني كلما بمر بالمطبخ لازم لازم دوق كم لقمة

    رح جن .....

    بس انا عندي نصحية كتير منيحة
    وهي انو لما تلاقي حالك جوعانه كتير وبدك تاكلي البراد كله\
    اعملي صحن فتوش بالخل والتوم أو صحن سلطة مرتب وكلي هييييييييييك لحتى تشبعي مظبوط ......

    وجيبي الكرمبس التوست المقمر كتير طيب معه

    وأحيانا بعمل شورية الشعيرية .....كتير بحبها وطيبة وسهلة وكلشي شوربة سخنة منيحة للجسم وبتحرق الشحوم

تابعي تجارب أخرى من هذا القسم.