في يوم ضاقت فيك وفرجها ربي عليك تعالي واخبرينا ولكي الاجر من رب العالمين
متابعة النقاش، صفحة 37
شاركي في النقاش
سجلي الدخول لإضافة تعليق.
التعليقات
860- جزاك الله كل خير على هذا الموضوع الاكثر من رائع..........
- بقولكم قصتي عشان الكل يستفيد ...
انا كنت احب شخص وهو يحبني لحد الجنون
كانت علاقتنا شريفه ولله الحمد
اخته كانت هي المرسول بيننا
هو قالها قولي لها اني بخطبها وبتزوجها
لانه جاد ويفكر في الحلال
طبعا هو الحمد لله ماديا ماعنده مشاكل
تقدم لي وخطبني
هو من قرايبي البعيد شوي
طبعا انا مثلي مثل اي بنت الشخص الي حبته وتعلقت فيه وعارفه تفاصيل حياته
وهو يحبها ويمووووت فيها
جاي يخطبها
توقعون وش شعوري ؟؟
والله العلي العظيم ماينوصف
شي اكبر من الفرحه احس ودي اطيييييييررر اطيييييير
وجلست افكر وارتب انا واخته الزواج والزفه ووو ..
اهلي وافقو طبعااا لانه ولد ناس ومحترم وكل الناس تشهد له بهالشي
ومحاااافظ على صلاته واخلاق عاليه
الا ابوي اعترض :44:
وعصب قال بنتي ماني مزوجها الا ولد عمها
انا معطيهم كلمه
تبون تفشلوني في عمكم وولده تبون تسببون مشاكل بيني انا واخوي
حاولو اخواني قالو بنكلمه وماهو مخالف
قال اقول ولاتقولون له كلمه خلاص انتهى الموضوع
رجال خطب عندنا وماجاء نصيب وين المشكله
اخواني ماحبو يضغطو ع ابوي بحكم انه مريض
كلمو اهل الولد وقالو مافيه نصيب الوالد معطيها ولد عمها
اذ تبون اختها الي اصغر منها ؟؟
وتبون الصراحه مافيه مججججججال للمقارنه بينه وبين ولد عمي فرق كبير
ولد عمي الله يستر عليه ويوفقه مالقيت فيه مواصفات الرجال الكامل
المهم
مرت علي اياام
اااااااه منها
حزن وبكي
والي ذابحني اكثر هووو
منهار وحلف انه مايتزوج ابد بيضل عزوبي
اخته كانت تحاول تهديني عشان اخوها يهدا لانها عارفه ان اخوها متعلق فيني
تسكرت كل الابواب في وجهي
خلاص انتهى كل شي
اكلم امي تعصب علي تقول انتي ماتهمك صحت ابوك خلاص بطلي هالسيره
:mad:
يوم ضاقت الدنيا بوجهي وكل شي صار شبه مستحيل
الا المستحيل بعينه
قررت اترك الناس كلهم واتجه لربي
صرت كل يوم اوقت جوالي ع الساعه 2 من الليل
اقوم اوضي واصلي ركعتين
واطلب ربي بحرقه وبكاء ودموع
ضليت تقريبا اسبوع وانا كل يوم اقوم الليل لربي بنية التوفيق مع الشخص الي حبيته من قلبي
واكثر من الاستغفار
واتصدق ..
والله يابنات ماتصدقووووووون لو اقولكم وش صاررر
جاتني امي في الصباح وانا نايمه >>>>طبعا تركت الجامعه من يوم انرفضت الخطبه
ماعاد لي خلق اروح
المهم جاتني وهي تضحك وتصفق وترقص وتغني تقول قومي قومي
ياعرووووووووووووس :35:
انا فهيييييييييييييت
عروس ايش
قالت انا كلمت ابوك بهدووء واقنعته قلت ولد عمها موو وجه زواج ومسؤليه
وهي موافقه تبي هالولد لاتوقف في طريق رزقها
وولد عمها بيحصل له بنت تناسبه اكثر من بنتنا
قال واخوي ؟؟
قالت اخوك ماراح يناشبك في بنتك بالعكس بيفرح هو بعد لان الي بيتزوجها كفو اكثر من ولده
قالها بفكررر
بعد صلاه الفجر قال لامي كلمي ام فلان قولي لها خل الرجال يجوونا حنا زوجناهم :39:
راحت امي بدري كلمت امه وما اذن العشاء الا هم عندنا وتمت مراسيم الخطبه والزواج ولله الحمد والمنه
والحين عايشين سعاااده لاتوصف لنا سنه من تزوجنا :27:
الصلااااااااه اخر الليل والاستغفار
كل من ضاقت عليها دنياها تترك الخلق وتتجه للخالق سبحانه
نصيحه من قلب مجررررررب ويحبكم
في الاخير لاتنسوووووووني من دعاااااائكم - سُبْحَان الْلَّه وَبِحَمْدِه سُبْحَان الْلَّه الْعَظِيْم.
- حسبنا الله سيؤتينا الله من فضله انا الى الله راغبون
- حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ
مواضيع مشابهة
تابعي تجارب أخرى من هذا القسم.