ياااااااااااؤب انصرني عليه عاجلا غير اجل ...زوجي غير المسؤول

يااختي اصبري ثم اصبري والله اني اكتب لك ودمعتي ع خدمي من ظلم زوجي لي بس اسلوبك غلط احتسبي عندالله انا زوجي تكلم في عرضي ودائما يحب يتمشكل معايه وقدام اهله يهينني ولي اربع سنوات وانا ع هذا الحال بس عمري ماشكيت لحد من اهلي اتظاهر بالوناسه كله علشان بناتي ترى الزوج زي الطفل حاولي انك تكسبينه يمكن تنفع مع زوجك ادعي ربك ترى بعض الرجال ماينفع معاهم غير التطنيش اذاتكلم عليك لاتردين انا طنشت زوجي اسبوع مات قهر والله يفرج همك

اختي هو غلطان مليون بالمية بس اقولك شي ممكن زاد عناده وهو الالفاظ اللي قلتيها له يعني ياشكاك ومن هالكلام الرجل اختي للاسف ابدا مابيعترف بخطأه وانت ممكن توصليله اللي تبينه بس من دون ماتغلطي فيه ، يعني مثلا لو ظلمك وشك فيك قولي بكل ثقة ماصار هالشي بدون ماتعصبي عليه واذا رفض ياخذك معه كمان قولي ان من حقك تطلعي وواجبه هو يخرجك بس قوليها له بهدوء ، الرجل ابدا مايقبل ان مرته ترفع صوتها عليه او تسبه واتوقع زوجك ممكن يهدا شوي او على الاقل مايكون تصرفه عدائي تجاهك اذا حاولت انك ماتتعاملي معو كعدو ألك او كشخص يكرهك ، اسفة اذا جرحتك والله يألف بينكم وتروح هالمشاكل من حياتكم :)

قال تعالى ولهن مثل الذي عليهن وقال عليه الصلاة والسلام خيركم خيركم لاهله؛؛ومااكرمهن الاكريم ومااهانهن الالئيم وتوفي نبينا محمدصلى الله عليه وسلم وقبل موته استوصوا بالنساء خيرا وقال اني احرج عليكم حق الضعيفين اليتيم والمراءه والان اختي اسمع من طرف واحد هو انت مع ان الواجب هوالاستماع من الطرفين جميعا ثم الحكم لكني ياعزيزتي اعطي كلام عام وهوان الغالب ان المراءه هي المظلومه ولذلك اوصى بهارسولنا صلى الله عليه وسلمخيرا في احاديث كثيره ولكل اخت صابره متحمله مسوؤليتها تجاه نفسها وبيتها واولادها وماتواجهه من ضغوط كثيره تحية اكباروكان الله في عونك لكني اوصيك عند اي مشكله بينك وبين الزوج عدم الكيل بمكيالين في الرد بل هذا مما يزيد من استفحال المشكله وعناد الازواج اكثروهناك حلول كثيره حتى لاتخسري ايضا ابناءك ممكن ترسلي له بين الحين والاخر رسائل تذكير وعتاب وماشابه ذلك وثقي ان الكمال لله وكل شخص فيه عيوب ومميزات وتغاضي عن بعض الاشيلء من اجل صحتك وابناءك والمكتبات مليئه بالكتب التي تتحدث عن الغضب منها كتاب لعائض القرني في مكتية جرير اسمه لاتغضب جدير بالقراءه

(حسبي الله لااله الاهو عليه توكلت وهو رب العرش العظيم)

مشكورين يابنات على نصائحكم والله والله اني ماقلتلكم على كلامه وحركاته معي وسبه وشتمه

ماقلت الا كلامي له وهذا اللي خلاكم تتهموني بان طريقتي واسلوبي غلط انا معترفة بس عارفين

ليش مارد لانه هو اللي يبدأ بالاهانة هو الاساس في كل مشكلة هو يقول اشياء ماتنقال طبيعي

يسكت على كلامي رغم انه يدعي ويسب ويتفل في وجهي وهو يسمعني بس ماقلت هذا الكلام لكم

لانه شي سيئ شي يغيظ شي يحسسني بالقهر اكثر ففضلت اسكت عن كلامه بس ذحين اضطريت اني اقول

عشان تفهموني صح

مااقول الا حسبي الله ونعم الوكيل والله ياخذ حقي عاجلا غير اجل ان كنت انظلمت منه وانا فعلا انظلمت

وحصل قبل نص ساعة اشياء ماتنذكر زادتني سوء بس خلاص ماعاد اقدر اقول شي مالي الا انتظر فرج ربي