شاركي في النقاش

سجلي الدخول لإضافة تعليق.

التعليقات

113

  1. @ooo_3

    والله مايرحمون هالناس امي ياقلبي جابتنا اربع بنات واللي حولها عندهن عيال كانو يخبون عيالهم عن امي واذا احد صاح او طاح من عيالهم اخذوا من مويه الفناجيل قدام عينها واخذوا يرشون عيالهم صدق مايستحون ... بعدها جابت امي اخوي وبعده اربع بنات ثم قعدتها ولد اخوي الصغير بس هم حنو على ابوي وزوجوه ووهقوه بالديون والثانيه جابت له اول واحد ولد وطار فيها ابوي بعدين جااااابت خمس بنات ورا بعض .... اللهم لاشماته كل هالناس مانفعوهم عيالهم ولابناتهم ... وامي الله عوضها في اخواني الاثنين واحنا بناتها واقفين معها والحمد لله ... البنات فيهن بركه وخيرهن لاهلهن دايما

  3. @mn_alaaaydyn_1

    قلبتوا علي المواجع أنا كنت أعتقد أن هالفكر المتخلف ولى منذ زمن سحيق حتى تزوجت ولما حملت وكشفت ودريت أنها بنت حسيت زوجي عادي بس متمني ولد ثم حملت بعدها وبرضو بنت وهو هنا أنقهر ثم حملت وبرضو بنت ثالثة وأنجن وضاق صدره والله لايوريكم إذا بشرته بأحد جاه ولد أسود وجهه قلت له لاتحسد المسلمين إذا تبي الله يرزقك وصرت ماأقوله لو أحد من قرابته جاه ولد وأمه نفس فكره كنا جالسين معها مرة وعلمتنا أن أخوه الكبير جاله بنت وهذي البنت الخامسة وعنده 3عيال وبعدين قالت كثرن البنات وقهرتني هالكلمة وخير ياطير خليهن يكثرن بتصرفين عليهن !!!!وذاك اليوم جاهازوجي وقالت له فلان جاه ولد وأخوه قاعد قال هالأخو وأنا زوجتي سوت سونار وطلع ولد!!!!طيب سخافة من سألك وش في بطن حرمتك وطبعا جاءزوجي مايتنفس من القهر!!!!وأنا ياخواتي قلبي على كراسيه ولاهمني زوجي وأناظر بناتي الثلاث وأحس أنهن أكبر نعمة في حياتي وفرحانة فيهن بس فعلا المجتمع يقهر اللي يطالعك وهو راحمك وأنا في داخلي راحمتهم على عقولهم الصغيرة والحين أنا حامل ودخلت السادس ولاأدري وش في بطني الله ييسر حملي وولادتي ويرزقني بالصالح المعافى البار^_^

  4. @am_gyana

    اسال الله العظيم ان يرزقني ويرزقها ويرزق كل من تريد الذكر السليم المعافى انه على كل شي قدير...آآآآمين

تابعي تجارب أخرى من هذا القسم.