شاركي في النقاش

سجلي الدخول لإضافة تعليق.

التعليقات

1,327
  1. اهلا وسهلا بالكل

    شام انا معك بالسلطة كتير طيبة وبتشبع بدون ما تزيد الوزن ...اما شوربة الشعيرية فما اعتقد لان الشعيرية مليااااانة كالوريز ..... اذا بدك اتاكدي من المكتوب عليها ....انا كنت فكر ان الاندومي او النودلز منيحة وبتشبع وما بتسمن بس لما شفت الكالوريز الي فيها انصدمت ...

    اما بالنسبة للاجواء متل ما قالوا الاخوات اكتر شي بالاكل والحكي ...بس انا من حلب وحكيي مو حلبي ابدا شوي بس ...

    من يومين طلعنا مشوار وولادي تعرفوا على واحد حلبي اسمه حازم ...فلما سالوه شو اسمك وقال حازم "مفخمة متل الحلبية" اخذوها منه وصرت كل شوي اسالهم شو اسمه يقلوا حازم "مفخمة متل الحلبية" وانا انبسط وكيف عليهم

    اما الشي التاني الاكل اجا ولدي وقال لي بدي كنافة قلت له بكرة اطلبها من جدك ...قال لي مابيعرفها ...قلت له شلووون مابيعرفها اي هو الي بيعرفها وبكرة ان شاء الله بس يجيبلك منها ماعاد تدوق كنافة الماما .....هههههه
  2. الاجواء الشامية يا عيني .....

    والله ما بتذكرها إلا لما اسمع حدا عم يحكي شامي .....

    والحمد لله عندي كم وحدة شامية ظراف هون وحكيهم مظبوط وبايخد العقل .....

    أما ببيتي فبحاول احكي انا كمان لهجتي الشامية وما بغيرها للأنكليزي وبعلم ولادي يحكوا كمان هيك ...

    واحيانا بالمنتدى بكتب شامي مشان انبسطو انا عم اقرأ حكياتي .....

    وشو كمان ؟؟؟؟؟

    هي هي القصة

    ما في لا أجواء ولا هم يحزنون

    الله يعينا يا رب ويقر عينا بشوفة أهلينا وحبابنا ......

    ساجدة غاطين والله مشغولين مو منشان شي

    بعدين انتو ماكنتوا تفتحوا موضوع لحتى نحكي فيه

    الله يهديكم
  3. @nor_aldrb

    أهلين بنات
    كيفكن يا حلوات
    هلأ كلنا جينا قبل ساجدة حتى نسألها ويييييييييييييييييييييينك؟؟؟؟؟؟؟؟؟؟؟؟؟؟
    مهونة فتاة سورية بتعرفي أول مرة بعرف إنك من حلب هداك اليوم كنت عم أتذكر المسلسلات الحلبية شو حلوة
    بطة كيفك اشتقنالك
    بالنسبة لموضوعك يا جودي
    أنا زوجي دابحني بكل شي شامي هلأ أنا مو عايشة طول عمري بالكويت اي حكيي مخلط وخصوصا أنه عندي رفقات من كل الجنسيات
    وأنا أمي من حماة والبنت بتحكي متل أمها بقى حكيي مو كتير شامي بالنسبة إله كل ما بقول كلمة بيصلحها
    وطبعا بنتي كمان ما نحكي معها إلا عربي بالبيت وأكيد بنعلمها على عاداتنا، هي لسة ما دخلت على المدرسة حتى نفرقها
    وطبعا كل أكلنا شامي _ للريجيم وحدة بوحدة_ وحتى أغلب رفقاتي هون بكندا سوريات والحمد لله مبسوطة معهن
    المهم كأني كتير جرّيت،،،،، سلام صبايا
  4. @am_anys

    السلام عليكم أخواتي
    هلأ أنا بالكويت ومع ذلك بلاقي صعوبة بالمحافظة على التقاليد الشامية ...
    انتو شلون بتحافظوا عليها.. والله صعبة ..يعني مثلا برمضان وهي مو عادات شلون ولادكم بصوموا بالمدرسة والعيد بتعيدوا ولا بروحوا المدرسة كمان متل كل يوم.. عندي أخت كانت بإيطاليا أولادها يا حرام بيعرفوا عيد النصارى وما بيعرفواعيد المسلمين بتصل لعيد عليها بلاقيها لا عيد ولا هم يحزنون الرجال بالشغل وهي بالبيت والأولاد بالمدرسة بقلها الله يعينك ما فيكم تاخدوا اجازة وتتحسسوا الأطفال بالعيد ؟!!!!!!!!!!!!!! انتو شو بتعملو ؟
  5. @tolkrm68

    السلام عليكم أخواتي الشاميات عين الله حولكن

    اختي أم انيسة انا حد علمي الكويت لسة أحسن من بلاد كتيرة الواحد ممكن يحس فيها بالبيئة الام
    اما ايطاليا اكيد اختك المسكينة سا كنة بحي من الاحياء اللي كلها اجانب خليها اتحول لعناعلى استراليا

    والله بتمنى ياأخواتي تيجو لعنا على سيدني حيث الاجواء العربية اللي بتمناها ألبكن طبعا
    مو لهالدرجة بس شي ومنو رمضان بطير العقل من جمالو وليلة القدر كأنها مهرجان ولا في الاحلام ولا العيد خاصة بوقت لما الناس تجتمع بالجامع وبرة الجامع وبعد ما تنتهي الصلاة والخطبة بروحو الناس يتزاوروا
    ويطلعو سيرانات و و و إلخ ......يعني بنحس بالعيد بس لحد الظهر وبعد ذلك للاسف بيتحول اليوم ليوم عادي وكله طبعا بسبب طبيعة البلد .. ناس بتشتغل وأولاد في المدارس

تابعي تجارب أخرى من هذا القسم.