بسم الله الرحمن الرحيم
خواتي ما ودي أطول عليكم .. بس انا عانيت من الثعلبة قبل سنتين وحاولت أعالج بالمستشفيات وما فاد
وبعد شهوووور ربطت زيادة انتشار بقع الثعلبة وكبر حجمها بكريم كنت استعمله لمنع انبات الشعر
كل ما شلت بالحلاوة واستعملته كبرت البقع أكثر .. ووقفته وكنت ارقي انفسي بسورة الفاتحة سبع مرات
ومستمرة عالأدوية والحمد لله رجع الشعر ينبت
ما كنت متأكدة ان الكريم هو السبب .. بس الحين سويت خلطة نبتة سعد
وبديت استعملها ولاحظت بقعة صغيرة من الثعلبة طلعت .. وبديت أتأكد ان هالأشياء اللي نستعملها لجسمنا تأثر على شعر الراس
ولاحظت بعد ان كذا وحدة من معارفي يعانون من الثعلبة .. وكلهم يستعلون الليزر لإزالة الشعر
فحبيت أقول هالمعلومة يمكن يستفيد منها أحد .. اللي تعاني من الثعلبة وهي تستخدم شي لمنع ظهور الشعر توقفه فورا
وأي وحدة بتستعمل شيء لمنع انبات الشعر.. لا تحطه على كامل الجسم ( اليدين والساقين و ...الخ ) بوقت واحد .. كذا يكون التركيز قوي ويأثر على شعر الرأس
المفروض كل مرة تستخدمه تركز على مكان واحد بس .. مثلا اليدين .. والمرة الجاية مكان ثاني
والله يشفي كل وحدة مصابة بالثعلبة ويشفي كل مرضى المسلمين
شاركي في النقاش
سجلي الدخول لإضافة تعليق.
التعليقات
17- جزاك الله خيير
الحمدلله انا مااسوي اي شي من هذي الاشياء بس كويس عشان اخذ حذري منها .. الله يشفيك ويشفي الجميع ياارب - انا اعاني من الثعلبه بس مااستخدم شي للجسم
اشيل شعر عادي
بس انا الثعلبه تصاحبها الام بنفس المنطقه وانتفاخ احيانا
ماتروح الا لما اقص من شعري سبحان الله
واحيانا لا لو اقصه بوي ماراحت
الله يشفيني ويشفي كل وحده تعاني منها اتمنى يلاقون لها علاج غير الابر
مرررره تعور - ويجزاك خير
آميييين
بس انا الحمد لله تعافيت منها
تسلمين عالرد - اممم
لا حالتك مختلفة عني وعن اللي اعرفهم .. ما كان فيه ألم ولا انتفاخ أبببد
بس من كلامك انها ما تروح الا لما تقصينه .. الظاهر هذي عين
ارقي نفسك اختي .. حطي يدك على مكان الثعلبة واقري الفاتحة سبع مرات كل يوم
واشربي موية زمزم بنية الشفاء .. والله يشفيك منها يارب
أنا كذا كنت اسوي .. ارقي نفسي كل يوم وادعي كثير واستغفر واتصدق وكله بنية الشفاء
وكنا برمضان وكنت أشرب موية زمزم أول ما أفطر ولما اتسحر بنية الشفاء
والحمد لله قبل ما يخلص رمضان الا وشعري رجع ينبت
الله يعافي كل من ابتلى فيها يارب - جزاك الله خير
الله يشفيك ويشفي كل مريض اللهم امين
مواضيع مشابهة
تابعي تجارب أخرى من هذا القسم.