السلام عليكم
كيفكم بنات
حابة اليوم افتح معاكم موضوع مررررررة مهم
عن الصلاة
بالذات برة البيت في الاماكن العاامة الاسواق المولات
في المساجد النسائية
صراحة كل ما ادخل المصلى انصدم من الي اشوفه
اغلب الحريم يصلوا من غير ما يشيلوا النقاب عن وجيههم
طيب ليه يا اختي اكشفي وجهك انت في مصلى نسااااائي
لالالالالازم يظهر الوجه والكفين في الصلاة حتى القفاز ما ينفع تخلينه ابدا
مو بس كذا لازم يظهر جزء من الجبهة عشان يتحقق ركن السجود على الاعضاء السبعة
بعضهم يرفعوا الغطا صح بس يكون مغطي جبهتهم لين حواجبهم وكذا برضو ما ينفع
شيلي الغطا واتحجبي مزبوط وخلي حجابك على حدود ذقنك يعني لا يبان شي من رقبتك
انتوا عارفين حتى في الاماكن العامة المختلطة في علماء قالوا المرأة تخلي الغطا على وجهها اذا فيه رجال بس لازم ترفعه لما تسجد
شفتوا كيف يعني شي مرة مهم
الله يرضى عليكم بنات الي مو عارفة ياريت تنتبه بعد كذا وتنبه الي حولها
انا احيانا اكلم الي حنبي بس المصلى مليان ما شاء الله
فعشان كذا حطيت الموضوع في المنتدى
ايوه كمان لازم تغطي رجولك وانت تصلي
يعني الي مو متعودة تلبس شراب برة البيت تخلي واحد في شنطتها عشان لما تصلي خارج البيت
لان العباية احيانا ما تغطي القدمين كويس
وكمان لازم اكمام العباية تكون ماسكة تمام على كفك
يعني لما تحركي يدك وانت تصلي ممكن كم العباية يتحرك معاكي ويظهر شي من ايدك وهذا كمان ما يجوز
فالي كم عبايتها واسع لازم تكون لابسة كم طويل من داخل عشان ما تظهر يدها وهي تصلي بس كفها
وبس هذا الي حبيت اوصله لكم وذحين اترككم في امان الله
والي عندها تعليق تتفضل
شاركي في النقاش
سجلي الدخول لإضافة تعليق.
التعليقات
154- جزاك الله خير ايه اهم شي الصلا ة بوقتها وبعدين ماراح تضركم يابنات يمديكم على السوق والملابس مشكوره ياصاحبة الموضوع وجزييييييييت خيرا
- شكرا لك كثير الاحظ حريم مثل ماقلتي الله يفتح ع بصيرتهم
- الله يجزاك خير
ويجعله في ميزان حسناتك - جزاك الله خير بس يجب على المرأه ان تغطي كفيها ايضا فقط تظهر وجهها واما الباقي يجب ستره
- جزيت خيرا
مواضيع مشابهة
تابعي تجارب أخرى من هذا القسم.