عروس وتبي تطلق

وشسالفة عرايس هالايام كلمن قعدتلها شهرين ثلاث قالت ابتطلق زوجي فيه وفيه... محد قالهم ان الزواج مو لعبه.. محد فهمهم انه مافي انسان كامل .. مايدرون ان مثل مافي ازواجهم عيوب هم نفسهم فيهم بلاوي واكيد من وجهة نظر الزوج انه هو بعد تورط مثله مثلها.... مايدرون هالبنات ان الزواج مو فيلم هندي ... مايدرون ان الزواج سفينه ركابها اثنين اما يقودونها لبر الامان او انهم يظلون يتخبطون من موجه لموجه... اوكي فرضنا كلامك صحيح وزوجك هو الاعور الدجال وتطلقتي منه وشيظمنلك ان الزوج الثاني احسن منه.... هي مو لعبة كل شوي اتزوج واتطلق واجرب حظي.... انت تزوجتي وزوجك مختل نفسيا عاونيه خوذي بيده ربيه من جديد والا الزواج بالنسبه لك بس طلعات واسواق وتمشيات واحلام ورديه؟!!! اتمنا من كل وحده تفكر بالطلاق وهي عروس تخلي قدامها اسيا رضي الله عنها من كان زوجها؟؟؟؟ فرعوووو ون وماادراك مافرعووووون... وتذكرةا لما لقت موسا عليه السلام الرضيع شلون اقنعت زوجها بالحسنا والكلام الطيب انها تربيه مو بطق ومطاقق وانا مو قادرهاتحمل وانا طالعه روحي..... والله يوفق الجميع

67 تعليق 8,136 مشاهدة

شاركي في النقاش

سجلي الدخول لإضافة تعليق.

التعليقات

65
  1. @am_goana_1

    صحيح كلامك

    قريت اليوم 4 مواضيع ومالهم شهور متزوجين وتبي الطلاق؟؟؟

    مدري ليش معد في تحمل وصبر عند البنات وش بقت للأيام الجايه ...!!
  2. @roslyn_1

    ياليتهم يطبقون الدورات التأهيليه قبل الزواج وتصير اجباريه عشان البنت والرجال يتعلمون وش معنى الحياه الزوجيه صح ماهو يروحون يتونسون شهرين ثلاث وبعدين يقولون نبي نطلق
    البنت قبل تتزوج تشيل هم البس والمكياج والقاعه ولا فكرت حتى تقرأ موضوع واحد عن الحياه الزوجيه وكيفية التعامل مع الرجل والعكس الرجال يتزوج ولا فكر يقرأ عن كيفية التعامل مع الزوجه ماهمهم شي غير الوناسه

    وحبيت انبهكم ترى اغلب المشاكل اللي في قسم الحياه الاسريه كذب ومايحتاج اقول وش عنواين المواضيع صرت اتردد اساعد اي بنت تنزل مشكلتها لاني اخاف تطلع كذابه في النهايه

    امس قريت بتويتر واحد ولد كاتب انه ياما طقطق عليكم ولعب عليكم وانتو تحسبون انه بنت ومازال يشارك في المنتدى الى الان فاانتبهو موو كل موضوع ينزل تصدقونه

    صرت احس ان الاغلب يفتخر ان عنده مشاكل وعلى طول ينزلونها في المنتدى المشكله اغلبها تعتبر فضفضه وغيبه يعني ما رح نفيد صاحبة الموضوع بشي غير الدعا

    فانصيحهه اللي عندها مشكله تفرش سجادتها وتشكي لربها وتفضفض لربها وصدقيني بترتاحين لما تفضفضين لربك يكفي انه بيفهمك قبل تشكين وبلاش نشر الغسيل في المنتدى

    و المشكله ان بعض العضوات تكتشفين انها تقربلك من خلال المشكله اللي تطرحها وهذي الشي صارر معي وحده نزلت مشكلتها واكتشفت اني اعرفها لكن ماعلمتها احتراما لها نصيحه لكم اذا بتنزلين مشكلتك لا تفصحين عن الاسماء وبعض المعلومات عنك اللي ماتفيد بشي

    وبعدين ليه ماتقرأون مواضيع عن الحياه الزوجيه وكيفية التعامل معها وتتثقفون شويه عشان تقل المشاكل للأسف اغلبكم يحب مواضيع كيف تصبحين جميله بعين زوجك وكيف تسوين لييله حمراء وطقتها اكثر من مواضيع التعامل وهذا سبب اغلب المشاكل الوحده تهتم بشكلها وتنسى فنون التعامل
    الله يهدي الجميع ويبعد المشاكل عنا

    اللي عندها تويتر تدخل على هاشتاق عالم حواء وشوفوو وش كاتبين عنكم طايحين فيكم الرجال مسخره على مواضيع المنتدى ومصورين مواضيعكم ومنزلينها فنصيحه لكم انتبهو قبل تكتبون شي



    ملاحظه ( ما تلاحظون ان الحياء اختفى من البعض يعني تنزل موضوع وتستفسر عن شيئ معين خصوصا بحياتها الزوجيه وانتو عارفين وش اقصد وتكتب بدون حياء ليه ما تلمحين بدل ما تقولين الكلمه على بلاطه الحياء لا ياتي إلا بخير يعني خلي استفسارك بحدود الحياء في عهد الرسول عليه الصلاة والسلام وحده سالت الرسول سؤال عن الطهاره فنساء النبي غطو وجوههم من الحياء واختفو وقالت احداهم فضحت النساء وقالت لها الثانيه اما تستحين يعني في مسائل الطهاره قالو لها اما تستحين وفضحت النساء كيف في هذي المواضيع
    وهنا في المنتدى للاسف انعدم الحياء إلا من رحم ربي
    جمال المرأه بحيائها حتى وهيه تكتب استفسار او تطرح مشكله


    ترى هذا القسم موجود في المنتدى ليه ما تطرحون استفساراتكم الصحيه فيه وتتحلون بالحياء ترى الاخصائيه تفهم اكثر مننا احنا العضوات
    العيادات الطبية
    للإستشارات الطبية ومن اجل الخصوصية التامة فإنة لايطلع على هذا القسم إلا الأطباء والكاتب فقط
    عيادة التغذية عيادات الذكورة عيادات امراض العقم والنساء عيادة الاطفال وحديثي الولادة عيادة أمراض النساء والولادة ومتابعة الحمل

    كرهتوني في شي اسمه زواج صار عندي نظريه سيئه عن الرجاال
    اعذروني ثرثرت واجد لكن قسم بالله مقهوره من هذي المواضيع والمصيبه ان اسم القسم الحياه الاسريه السعيده وكله مشاكل واستفسارت مخجله



    اللهم اغفرلي وللمؤمنين والمؤمنات والمسلمين والمسلمات الاحياء منهم والاموات

تابعي تجارب أخرى من هذا القسم.