اي تفضلين بائع او بائعه للملابس الداخليه؟ ارائكم بخصوص القرار

لحظه ياحبيباتي

المحلات نسائيه مقفله زي المشغل وشوفو المشاغل جواها كوم حريم ومن برا فيه محلات رجال حلاق مغسله محل بهارات...الخ وما شفنا منهم شي؟؟؟

بعدين المحلات هاذي مغلقه بباب مايدخلها الا نسااااء ورجال ممنوع

وانا مع هالقرار لان تخيلو لما زوجك ما يرضى يدخل معك يستحي من النسا الموجودات مع البائع رجال خلوها حريمي افضل بس انا ضد ان السوق يكون نسائي كله لان بعض الازواج مايرضى يخلي زوجته لحالها وانا منهم هاذا عنده شي ممنووووووووووووع

أفضل إنو يكونوا نساء لأنو بجد أستحي أسئل عن أشياء معينه البائع من جهة والرجال اللي معاك(زوج او اخ او اب ) من جهه أخرى

انا اؤايد التانيث بس بشرط انو يكون في سوق خاص للنساء مو سوق نساء ورجال اكيد فهمتو قصدي

اوافقك الرأي ... اذا توفرت هذيك الساعه اسواق نسائيه 100% خليهم يوظفون البنات الحين مالقوا وظايف للشاب حتى يوظفون الينات خلي هالقصيبي يشغل نفسه بالشباب اللي هم المفروض يتوظفون مو حاط جهده للحريم

طول عمرنا نشتري الملابس الداخلية من رجال ,,,, والوحدة تعرف نفسها زين
اول ما ادخل المحل ,,, اشاور على اللي ابية واطلب المقاس وادفع السعر واطلع ,,,,

وين المشكلة ,,,,,

انا اقولك ,,,,, اذا كانت اللي جاية تشتري الملابس الداخلية ترضى على نفسها ان البايع يقعد يتميلح عليها ,,,,
ويتبادل معاها الكلام ويتفنن في عرض الموديلات لها ,,, وحضرتها مستانسة وقاعدة في المحل

فلحرمة هي اللي تقدر تحط حدود لتعاملها مع البائع وهي برغبتها تشيل الحدود هذي
وتكلمه كانها تكلم صديقتها

بتقولون لي ملابس داخلية ولانجري ,,,عيب ونستحي وعورة ,,,,,

اقولك : هذاك اليوم كنت في محل ملابس نسائية ,,,,تيورات وبلايز وغيرة ,,,,وجاتك ذيك الادمية اللي ماعندها نقطة دم ,,, وخذ يامياعة وتميلح على الرجال ,,,,الى ان ضيع مهب عارف راسة من رجولة
,,,, وماكان في المحل الا هي ,,,,,جبلي ,,,طلعلي ,,,عندك شيئ يلبس مقاسي ,, وقاعدة على الكرسي وحاطة رجل على رجل ,,, وثلاثة ارباع جسمها وملابسها باينة ,,, وهو جاب لها البضاعة الى عندها ,,,وهذا على ذوقك وهذا حلو عليك ,,, وهذا يناسبك ,, وجاي على لونك

يعني بذمتك ,,,, انا كنت في المحل قبل ماتدخل هي ,,, الرجال مافتح فمه بكلمه معانا الا هذا سعرة كذا وهذا فية منه الوان ,,,,,,,
الى ان جات حضرتها ,,,,,,,,,,,,,,,وخلت المحل مسخرة بحركاتها البايخة

طيب مثل هذي لو دخلت محل لانجري ,,, بتستخدم نفس الاسلوب ,,, وغيرها اذا دخلت محل لانجري وحاولت انها تحترم نفسها الكل بيحترمها ,,,,,

وانا اقول لكم البنات في مجتمعنا ماينعطون وجهه,,,,

قبل كم سنة كان محل المكياج ,,,ماك ,,, في مجمع الراشد اول مافتح نسائي ,,, دخلتة في احد المرات وياليتني مادخلت ,,, جمعت بنات وحريم كانهم مجتمعين على شاي الضحى
ماتعرفين الي تبيع من الي جاية تشتري ,,,
وكل وحدة مجمعه صديقاتها واللي يعز عليها وتمكيجهم ويطلعون للسوق بمكياجهم

حاولت اخذ كلمتين على بعض من اللي تبيع ,,,,ماقدرت ,,,يدوبها تلحق تسولف وتضحك مع ربعها

تركتهم وطلعت ,,,,,,,,,,,,,,,,

والبنات اللي يطالبون بان تكون كل الاسواق نسائية ,,,هذي كارثة بعد

تعالوا شوفوا جوالات الكاميرا كيف لعبت في اعراض البنات ,,نتيجة للتصوير بالجوال ,,,,

انا من رايي ان الوضع يبقى زي ماهو ,,, وكل وحدة تحترم نفسها ,,,, وتضع حدود في تعاملها مع البائع سوا كان يبيع لانجري ولا قدور وسطول للمطبخ


:(