شاركي في النقاش

سجلي الدخول لإضافة تعليق.

التعليقات

63

  1. @nbr_sdk

    تبين الصراحه العمر يمشي وكل بنت بحاجة رجال سند لها بهالدنيا ابوك مابيعيش لكي العمر كله

    توكلي على الله ووافقي

    وبعدين حلو الرجال يشتغل عند ابوك يعني قدام عيونه واكيد ابوك عارف الرجال عدل مدل

    وبالنسبه للجمعات انتي مو مجبوره تحضريها وان اضطريتي وحظرتي اعزلي نفسك في غرفه مع وحده من البنات

    استخيري قبل اي شئ والله يكتب لكي اللي فيه الخير

  2. @mas_ololo

    انا مع البنات اللي قالولك لا ارفضي

    لان انت عايشة عيشة غير عنهم وبيئة غير عنهم كيف بتتاقلمين معاهم

    ماعتقد

    وبيني وبينك الي مامعاه فلوس مايقدر يعيش

  3. @tmoh_almgd

    صاحبة الموضوع
    حوا كيوت
    ي عسل كل النقاط اللي حطيتيها اسباب وجيهه لترددك فكري زين ولا تسمحين لاحد يضغط عليك وموضوع اللي يجلسو خليطي لاتتنازلي عن مبدأك ابدا ويمكن سبحان الله تكوني سبب في هدايتهم ويفصلوا الرجال عن الحريم والله يوفقك وقلبي معاك لانك بعمري
    الاختلاط هذا الي خايفة منه وومخوفني ان ارتبط فيه
    الفلوس ماتهمني صحيح بضطر اتنازل مهوب مشكلة عويصة قد سالفة كشف الوجهه والمبيت في بيتهم
    الاخت الغالية الي تقول اشترطي عليهم عدم المبيت مااقدر اشترط
    لان خطيبي واخوانه يشتغلون في منطقة بعيده وينزلون عند اهلهم خميس وجمعة ويباتون في بيت ابوهم
    وين اروح الخميس والجمعة ؟ بيت اهلي مثلا مستحيل يقبل
    اكييييييييييييد مليون %% مستحيل اكشف وجهي ماكشفت قدام عيال خالي الي تربيت معاهم علشان اكشف قدام اغراب
    صعبة اشرط عليه ان مايجلس معهم لان هو بنفسه يعتبرهم مثل خواته ويسولف معهم لو قلت لاتجلس معهم بيعتبروني خربت بينهم وشتت اسرتهم هذا اذا وافق من اساسه هو اكثر واحد يعتبرونه اخوهم لان خدوم وطيب واي مشوار يوديهم ودايما يمدحونه

    جدتي الله يصلحها هي الي مسوية لي مشكلة وبتورطني معهم بتقولون وقفي في وجهها ورفضي هي بطبعها متسلطة وكلنا شخصيتنا ضعيفه قدامها حتى ابوي وعيالها وبناتها فشلون انا حفيدتها :(
    ابوي يمدح فيه يقول انه طيب ومحترم ومخلص في شغله انتوا عارفين ان اغلب المشاكل عادة تجي من اهل الزوج

  4. @gn_allh

    لاتتنازلين عن الشي اللي تبيه
    واذا انتي مو مقتنعه فيه
    لا توافقي لان اهم شي بالزواج القبول والراحه النفسيه مو الهروب لان سنك 28
    اعرف بنات اعمارهم 30وتوهم يتزوجون ومن خيره الرجال
    الحين البنات اعمارهم 30 وتلاقي الوحده كأنها ام 18
    من كثر ماهي محافظه على جمالها
    الرجال صار يفكر بالشكل اكثر من العمر
    مسأله العمر تهم الرجل السطحي الي موفاهم اما الرجال المتعلم هالامور لاغيها من حياته كثير دكاتره معي بالدوام اللي خاطبين بنات اعمارهم 30

  5. @mona_raja

    لحد الان ماني شايفة فية عيب ينرفض الرجل واضح انه شاري نسبكم فكري مره واثنين بعيد عن الضغوط

تابعي تجارب أخرى من هذا القسم.