بنتي والأكل ( صراع مستمر)

السلام عليكم
ياجماعة الخير الله يخليكم ساعدوني
بنتي عمرها 9 شهور ترفض الاكل رفضا تاما
وزنها حاليا 6كيلو وأول ماولدتها كانت 1كيلو و700غرام
حاولت معاها بسكوت الاطفال سريلاك حليب صناعي
زبادي بالفواكه زبادي سادة حلاوة طحينية كلو مانفع
اول كانت تتقبل شويييييييية لكن لمن بدأ يطلع لها سن
سارت ترفضو بالمرة تخيلو الى الان وهيه تلبس
مقاس من 0 الى 3 شهور
هيه ماشالله حركتها كتيرة حاليا تحبي وتحاول الوقوف لمن تمسك الاشياء
بس تقريبا النمو والوزن كأنو متوقف
جوزي رافض يوديها دكتور يقول مدام انو مافش شي يألمها
ولا تشتكي من حاجة بلاشي نوديها دكتور ويلعبو فيها بالادوية
فالله يخليكم ساعدوني ايش الحل

14 تعليق 1,991 مشاهدة

شاركي في النقاش

سجلي الدخول لإضافة تعليق.

التعليقات

14
  1. حاولي فيها ولدي كان يرفض الحليب حاولت بشتى الطرق
    ولقيته تقبله بعد ما اضفت ملعقه سريلاك بالتمر ملعقه على الحليب
    صار يشربه والاكل كولي جنبها بتشتهي الاكل انا لما ااكل ولدي مايرضى ياكل
    بس اجيب الغدا يشوفنا انا وابوه ما شاء الله تنفتح نفسه
  2. @shyran

    عاشقة الود33
    استغفر الله العظيم واتوب اليه
    اعمليلها شوربه خضار واخلطيها بالخلاط او شعريه بالطماطم او او شوربه شوفان بالطماطم انا بناتي لاحظت ماياكلو الاشياء الحلوه وانت ذكرت زبادي وسيريلاك خلاص جربي الموالح والشوربه حطيها في الاكواب الملونه من نوع التغيير يعني وانا بناتي ماياكلو لوحدهم بس ماشاالله من احط الغدا او العشاء يجلسو معانا احسهم مايحبو الاكل المخصوص وبالنسبه للتسنين حطيلها محلب مطحون في الفم وكمان على الراس بس في النهار :39: صدقيني بيريحها وتطلع الاسنان وتنام بهدؤ وبالنسبه للدكتور لازم من باب الاطمئنان وصدقيني حيكتب لها فيتامين وفاتح شهيه والله يعينك يارب
  3. @khdody_lkymat

    صاحبة الموضوع
    ام الحسن نورتيني حبيبتي
    انا كنت احطلها سريلاك واحليه بموية التمر بس مانفع والحليب الصناعي ابوها رافضو تماما
    يادوب احطو مع طعام الحبوب وكمان قليييييل
    وحتى لمن نجلس ناكل احطها معانا في الكرسي حقها بس تخبص الاكل ماتاكل ابدا
    ولمن اروح عند ماما ماشالله تااااكل لكن اي مكان تاني ماترضى تاكل ( تخلي ماما تخاصمني وبس )



    شيران شرفتيني حبيبتي
    يبالي اجرب والله الشوربة بس عادي احطلها اي نوع خضار؟؟
    فكرتيني والله يمكنها زيي ماتحب الحلا تحب الموالح اكتر
    كيف طريقة المحلب اخليها تبلعو ولا افركو بيدي على اللثة؟؟
    تعرفي في ناس تقولي يمكن طبيعة جسمها صغير لانو انا وابوها جسمنا صغير
    عشان كدا وزنها مايتغير بسرعة بس انا احس مالو دخل

تابعي تجارب أخرى من هذا القسم.