أخوي وفلوسي

السلام عليكم
أولا أنا أحب هذا المنتدى كثير وأرتاح أذا كتبت فيه
المشكلة بأحاول أختصرها
أخوي قبل ما يتزوج كان يأخذ مني فلوس سلف ويرجعها وبعد ما تزوج كان أخذ مني فلوس وسكت لظروفه فترة من الزمن مراعاة للماديتة بعد الزواج ولما تحسنت ماديته طلبته فلوسي وأول شيئ أنكر وقال مالك شئي عندي
وبعد فترة رجعت ودخلت أمي وأبوي وأخواني وزوجي وكبرت المشكلة وأعترف بالفلوس
وقبل يومين
أتصل علي وصارت مشادات بيننا وقال أبعطيك بعضهن هالحين والباقي بعدين
ورفضت أبيهن كلهن
ولما سكرت التلفون جاني ألم موطبيعي بجهتي اليسرى وتعبت
ورحت كلمته وقلت أنت هالحين معترف بحقي اللي عندك قال أيه قلت أنا ما أبيهن أبتركهن لوجه الله
علشان ربي يعوضني خير من هالفلوس اللي عندك
بعدين ندمت وقلت ليتني خذيت الفلوس لانه ما يستاهل
وهالحين أدعي عليه بعدم البركة بماله
والله ينتقم منه لان ما خلاني أعيف حلالي إلا أسلوبه ومشاكله عفت تعبي وحلالي
وأنا متأكدة أن ربي بيعوضني خير بس الشيطان حريص على مداخلة
دعواتكن الله يخلف علي بحلالي اللي ضاع عند أخوي اللي ما يستاهل

28 تعليق 2,800 مشاهدة

شاركي في النقاش

سجلي الدخول لإضافة تعليق.

التعليقات

28
  1. @klb_mnksr

    خير وش تحسين فيه من ير سبب تقولي سامحتك ومن وراه تدعين عليه
    على فكره دعواتك ترجعلك لنك نذله بوجههه سامحتيه ومن وراه تدعين عليه
    الله يهديك بس ويرزق أخوك ويغنيه ويفتحها عليك أنتي بعد
  2. @ghnd_aldnya

    صاحبة الموضوع
    قلب منكسر
    أنا قلت مسامحته لأن نفسي عافتهن من كثر المشاكل اللي سببها لي
    ومو معقول يكون جزاي أني وقفت معاه وفكيت أزمة مادية
    أولا أنكر ثانيا كل يومين يعترف بمبلغ شكل
    لكن العوض على الله وهو الله يجعلهن وبالا عليه
  3. @danh_albhar

    الله يوسع عليك وعليه ياااارب
    الله يهديك مايصير تقولين سامحتك وبعدين تدعين عليه
    الله يعوضك يارب
    وخلاص اذا طلب مره ثانيه لاتعطينه

تابعي تجارب أخرى من هذا القسم.