ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

الله يشفي لكم عيالكم ياااااااارب
ويشفي لي فيصل وينطق لسانه كما انطق لسان عيسى وهو بالمهد

حياكم الله

اختي حوائيه انا سويت فحص بنتي بمركز تنمية الانسان يقيمون الطفل لمدة خمس ايام باليوم ساعتين ونص

خلال الخمس ايام يشوفه اخصائي نفسي وظيفي واكاديمي وتخاطب بعدين تدخلين على الطبيب النفسي ويحدد حالة طفلك

جزاك الله خير اختي توم وجيري
الدكتور اللي وديته له لافحص ولا شي بس سألني اسأله ولا١٠ دقايق كانت الجلسه
ولالمس الواد ولاشي
وكتب العلاج علطول
انا اشوف ولدي طبيعي بس شقي
يعني بسم الله عليه يستجيب لي ويكلمني ويكلم الناس بس كلامه خرابيط والدكتور قال عادي بسنه مادام بدا يكون جمل
بس حركته كثيره واحيانا احس انه مايركز معي
بس الان احس انه بدا يتحسن معي لاني صرت اجلس معه اول كنت اداوم الى المغرب ومااشوفه الا ساعتين وكلها صراخ عليه لاني اكون تعبانه وهو يكون مشتاق لي بس يبهذلني
احس انا السبب بتصرفات ولدي
انا قررت مااعطيه الدوا وابدا معه علاج سلوكي احسن
واذا كمل اربع سنين وماشفت تحسن او تغير وديته للمركز
دعواتكم والله يشفي عيالكم ووليدي

السلام عليكم
انا ام لطفل يعاني من فرط الحركه واخذته لطبيب نفسي وقال اذا كان يجلس امام التلفاز بدون حركه بس لما يطلع يركض ويتسلق ومن هالامور نسميه طفل نشيط ما نقول عنه فرط حركه .يابنات قصة ولدي يمكن مشابه لاغلب القصص كان عمره سنه ونص واخذ تطعيم السنه وثمان اشهر وقبل التطعيم اقسم بالله انه كان طفل طبيعي جدا حتى كان يسمي افراد الاسره والخدامه باساميهم بس بعد التطعيم سكت واخذته للطبيب وقال اذنه كلها ماي وبدينا رحلت العلاج /الاعراض الي ظهرت على ولدي تطنيش ما يرد على احد لاناديناه مع انه قبل التطعيم كنت لما اناديه يقولي انا اهنيه ؟؟؟
المهم ماخليت علاج ما سويته بس استخرت للدوا لانه قالي الدكتور راح ابدا معاه ريتالين ومارتحت اني اعطي ولدي الي عمره ثلاث اسنين اي دوا حسيت انه بدري لازم ابدا بالعلاج السلوكي وبعدين الدوا يكون اخر الحلول بهالعمر الصغير ...المهم ياربنات كنت كل يوم تقريبا اصحى قبل اذان الفجر وادعي له انه ربي يشفيه ابني كان طبيعي ,والله هداني لدكتور احمد النجار اذا انتو سمعتوا عنه بالامارات يقدم برنامج في قنات بوظبي وقالي نحن نعالج هالنوع من الاطفال بالطاقه وبديت معاه جلسات الطاقه كنت اتوقع انه ابني ماراح يرضا يجلس لانه جلسات الطاقه تحتاج انه الطفل ينام على سرير ويبدا المعالج بمسك راسه وسحي كل الطاقه السلبيه ومده بالطاقه الاجابيه بس اللهم لك الحمد والشكر بدا ولدي مثل المخد تحت ايد الطبيب واحيان كان ينام
قال الطفال محتاج 30جلسه وانا للحين اتميت العشر جلسات بس والله يابنات انه ابني بدا يتغير بدت السلوكيات الخاطئه تتلاشا وبدا امور جديده في حياتنا معاه بدا يتكلم ويسمي كل شي بدا ياشر على الاشياء ويقول اسمها .قبل العلاج كنت شاريه له كتب فيها صور وكنت يوميا اعيد اسماء الصور قدام عينه بس ما كان يجلس وما يرضا يشوف بالكتاب ما يشد انتباهه الا التلفزيون او الاي باد بس الحين لا والله كل شي للافضل
علما انه ابني كان ما يشوف بعيني الا ثواني بس الحين يحط عينه بعيني وكانه يقولي انا بخير يا امي
انا طبيعي ..صدقوني اكتب وانا ابكي لانه هذي نعمه بحد ذاتها
معلومه صغيره حبيت اقولها لكم المعالج عطاني ثقه انه ابني راح يخف 70 % وانا بدوري وقفت عنه الحلوبات والحليب البقري اى نوع كان والجبن وبديت معاه حميت قابز بس احيانن اخربها وارجع بس الي ملاحظتنه انه ابني صار يروح الحمام بشكل يومي يعني راح الامساك الله يعزكم اللهم لك الحمد يا بنات الي تقرا موضوعي تدعيلي وتدعي لابني امانه الله يشافيلكم اعيالكم يا رب