تجمع الاخوات المراجعات في مستشفيات القصيم<< وصل الحد المسموح به من الصفحات <<

تسلمين ام ربي ربي يسر امرك ويسعدكي

السلام عليكم ورحمة الله وبركاته

صباح الرضا والامل لبنات عالم حواء
وبالاخص بنات هالتجمع

طبعا مثلي مثلكم اكبر احلامي طفل اضمه لصدري ويسليني عن هالوحده اللي بتقتلني

لي سبعه شهور مجتهده بالعلاجات والمنشطات وكل شي والمستوصفات الخاصه والخلطات

لكن المشكله زوجي عدد الحيوانات المنويه 4 مليون ولاعلى باله ياخذ علاج

ولايساعدني وكان الموضوع مايعنيه

بروووووووووود اعصاب مو طبيعي مع انه يبي اطفال ويكفي 10 سنوات حرمان

ماعاد باقي صبر
تعبت منه والله تعبت انا ذابحه نفسي وهو ولا على باله

المشكله مايقعد فالبيت واذا جاء تعبان يبي ينام مايخليلي فرصه اكلمه بشي

نزلت علي الدوره اليوم ونفسيتي جدا جدا جدا تعبانه


يااااا ربي مارجيت غيرك

الوحده بتقتلني بتذبحني

والله يرزقنا وياكم جميعا بالذريه التامه الخلق والخلق من غير زياده او نقصان

ملاذ حبيبتي انا ماالومك لكن تذكري انه ابتلاء من الله
وانا احس باللي تحسي فيه واتكدر
لكن حاولي معاه وادعي بصلاتك ان الله يهديه للعلاج وينفع بعلاجك
جربي الطريقه اللي راح انزلها وراح تدعيلي بإذن الله
وزوجك حاولي تسوي له بعض الخلطات المقويه مثل خلطة وادي النحل مع فطور الصبح او وهو جاي من الدوام قبل الاكل
لاحقيه فيه هم لازم تلاحقيهم زي الاطفال مستحيل بيجتهدون ويحسون زي احساسك

الله يعوضك خير وتكون اخر دورة من حمل الى بعد 9 اشهر بإذن الله
تبشرينا ونبشرك هالشهر

بنات عندي فكرة هي ماهي جديده
بقدر ماانه تذكير
والله سبحانه وتعالى يقول :
( وذكر فإن الذكرى تنفع المؤمنين )

الفكره هي صندوق السعاده ..
راح تقولي ايش صندوق السعاده اقولك جيبي اي صندوق صغير او كرتون لو كرتون الجزم اكرمكم الله كان عندك كرتون نضيف غلفيه
بأي غلاف وافتحي له فتحه من فوق واكتبي بورقه احاديث وفضائل الصدقه ولصقيها على الصندوق
الفكره هي تتصدقي يوميا انتي وزوجك باللي تقدري عليه 1 او 5 او اي شئ
نهاية الشهر تفتحي الصندوق وتدوري اقرب محتاج وتعطيه اياه بدون ماتنطلبي منه يدعيلك خلي نيتك بينك وبين ربك
تقريبا لو تتصدقي بريال يوميا انتي وزوجك راح تجمعوا 60 ريال
وانتي وانتي تتصدقي استشعري انك تريدين دفع البلاء والرزق
والله يابنات ماراح ينقص مالك بل يزده سبحانه

وكمان حافظي على الاذكار والاستغفار والدعاء والرقيه اليوميه الشرعيه لو بالمعوذات وراح تشوفي العجب العجاب
انا توني بديت بالفكره مين توافقني وتسوي صندوق معي ..

بإذن الله راح تشوفي السعاده من صندوق السعاده

الله يسهل ويغنينا من واسع فضله