اللي متزوجه (مطلَق) تتفضل محتاجه مشورتكم

مشكوره عزيزتي على الدعوه والله يعطيك بالمثل
لكن استغربت ردك ! انا قلت ماابغى مطلق ؟!
بالنسبه لي والله ماهمني لااعزب أو مطلق اهم شيء دينه و اخلاااقه ولاعمري فكرت بهالشيء ولو أبي كان تزوجت ولد جيراننا أول ماتطلقت خطبني وهو أعزب لكن سبحان الله ابدا ماتقبلته وطبعا مومكتوب لي
انا بس اللي محتاره فيه هل أسأل اهل طليقته عنه اولا ,, واحترت اكثر لما تردد.. لكن البنات ماقصروا الله يجزاهم خير وفسروا لي سبب تردده ,,, وحبيبتي صدقيني قاعدتك تغيرت انه المطلقه ماتاخذ الامطلق بالعكس كثير عزاب أخذوا مطلقات وأولهم أخوي ,, وانا تقدملي عزاب لكن ماصار نصيب
والمطلق أفضل من الاعزب للمطلقه على الأقل مايكون فيه أحد أحسن من أحد ومايعايرني عند كل هوشه

شوفي حبيبتي حطي نفسك مكانه انه قال عطونا رقم ابو طليقك وعطيتوه اهل طليقك بيمدحونك !!!
قليل يمدحون الا الي عندهم ذمه وصلاح نفس الشي اهل طليقته مااظن باي حال من الاحوال بيمدحونه لكن انتم اسئلو عن سبب الطلاق واسئلو عنه شخصيا بالعمل واقاربه ومسجده وتحرووو رجال ثقه ومع الاستخاره وبأذن الله ماتندمين

الله يوفقك يارب

غريب الموضوع اول مرة اسمع السؤال عن الرجال عند طليقته
سواء الرجال
او الطليقة
او اهل الطليقة
مجرد ذكر الموضوع يسبب حرج كبير
وبعدين نقطة مهمة جدا
انه هواللي طلقها
بمعنى هو غير راغب فيها
وهي كانت راغبة
وهذا يدل انه مافيه عيب خلاها هي تطلب الطلاق
انا زوجي طلق طليقته بلختياره هو
وقال السبب لاخوي لما ساله:
بصراحة الحرمة مافيها شي بس ما تقبلتها ولا حبيتها ولا ارتحت معاها
كان السبب كافي عشان اوافق
لانه قالها بصدق
خلي ابوك يساله عن سبب الطلاق يكفي

ترا ماله داعي تسألين عنه عند ابو طليقته راح توسوسين عالفاضي اكيد بيطلعون كل العلل فيه لانه محد بيقول والله بنتي غلطانه حتى لو كان طلاقهم على اتفه الاسباب

ماتدرين يمكن تكون البنت ماتتعاشر وهو ماحبها ولا اكرمها ويمكن يحبك ويكرمك


استخيري ربك واسألي عن اخلاقه وصلاته

استخيري والله يكتبلك الي فيه الخير