تجمع امهات اطفال نقص الاكسجين والشلل الدماغي (( الثاني))

مشكورة اختي اللولي والله يشفي ولدك وتفرحي فيه تبشريني انه ماعاد يترقد اما بالنسبة للأخت اللي تسأل عن حليب كويس عندك بديا شور بس هو مايصلح الا بعمر السنة وفوق غريبة الدكتور ماكتبه لولدك بعض المستشفيات تحطة مع وجبة االطفل مرة ممتاز يقول عنة الدكتور انه عن وجبه الطفل اذا اكل كويس مااكل الحليب يكفيه هو مكمل غذائي والله يشفي ولدك ويعافيه

فديتك سدومه انا كنت اعطيه لكن ماحسيت فيه فايده خلص علبه بالقوه وما شريت تاني ...

طيب باحاول اشتريه تاني لكن كيف استعماله هو لايمكن ان يشرب اكثر من 60مل الرضاعه الصغيره ...

صباح الخير
خواتي بغيت اسألكم
اذا تعرفون مركز علاج طبيعي في جنوب الرياض او حواليها او اخصائيه شاطره تجي للبيت
لأن بنتي محتاجه والتشيكي بعيييد علينا ودي بأقرب شوي
الله يجزاكم خير

باين ان ولدك شهيته ضعيفه حاولي تقسمي الرضعات يعني 60 مل بعد 2ساعة او3 60 مل وهكذا ولا تعتمدي بس على الحليب حولي تأكليه فايدة الحليب انك تضمني انه مايجيه فقر دم طبعا اطلبي من الطبيب يكتب لك فيتامينات واذا هو ياكل انا عارفة انك بتقولي ان اكلله ضعيف ليه ماتخلي الوجبه اللي ياخذها مليانه سعرات حراريه مثلا اذا بتعطيه رز يكون معاه خضار دجاج زيت زيتون كل وجبه لازم تكون كامله بروتين +نشويات +خضار وشوي شوفان كذا تخلي الوجبه تكون مشبعة انا ولدي قطعت عنه الحليب لما كان عمرة سنتين واستبدلته بالزبادي او الجبن السائل مع طحينيه سايله لام تعتقدي ان الكالسيوم بس في الحليب الطحينيه السايله فيها كمان ملعقه وسط فيها كالسيوم اكثر من كوب تخيلي طبعا انا ماقول لك اقطعي الحليب انا اضطريت لأنه ولدي ماكان يرضع كنت اعطيه بالسرنجه ويشرق فكان تجيه التهابات في صدره وتخيلي مازاد وزنه الا لما قطعت الحليب واستخدمت طريقتي بتشوفينها في الصفحات اللي قبل انتي حاولي تجمعي بين الحليب ولأكل ماله داعي تعطينه الوجبه مرة وحده حصص صغيره كل ساعتين او ثلاث وحاولي تبعدين او تقللي السكريات لأنها تزيد البلغم والزبادي ما تعطيه كثير لنفس السبب نص وحده تكفي حاولي تنوعي لا تعتمدي على الحليب بس والله يشفي ولدك يارب وجميع مرضى المسلمين

في ال60 مل حطي ملعقة ونص حليب اذا خفتي ماتضبط في جاهز سائل