الموضوع مغلق
ردي على موضوع الاخت حياتي زوجي آه لاقالوا عقيييم> يمنع التعقيب على موضوع اخر
والله لما قريت موضوعك تحجرت الدمعه بعيني ورحمت حالك وحسيت ب احساسك بس أنا وانتي مانعلم الغيب ماندري عن حكمه الخالق من تأخيره أو منعه ل هالششي شوفي حبييتي والله فيه بيوت عامره بالاولاد والبنات وقلوبهم مغروسه بعد وقطيعه وعقوق فيه أولاد تعب عليهم الواحد وشقاء وراح ولاعطى وفيه وفيه مو كل الضنى ينتمنى أحيانا شايب مسن تدمع عينه بلحظه آالم ويقول يليتني مت ولاجآني ولد وكم عجوز عانت وعانت وعيالها ولا شي حبيبتي أنتي الحمد الله معافاه أنتي وزوجك وباامن ورخاء والله كريم اذا أراد لكم ذريه بتجي مهما كانت الأسباب صدقيني الله يعلم اللي مانعلمه الله رحيييم كريم وحسن الظن به واجب أنتي بس أربع سنوات غيرك عشرات السنين وماخاب رجاهم والله حياتي أعرف واحد من قرايبنا تزوج الاولى وجلس سنوات ولاجاله حد وتزوج الثانيه وبرضوا عشرات السنين ولاجاله حد الكل حكم عليه ب العقم والكل يستغرب ليش يتزوج وهو عقيم والله لما تزوج الثالثه وهو كان ماعنده امل كل مستشفى يقول عقيم سبحان الخالق الواحد وهب الله منها أطفال وفتح عليه وفرج كربته ادعي وتصدقي أنتي وزوجك واكثري من الصدقه والاستغفار واحسني ظنك وتوكلي بربك والتجي اليه الله يحب العبد الحوح ب الدعاء وأهم شي ادعي ب الخير والخيره لك ولزوجك والله لايخيب رجاك ولايقطع لك امل ويفتحها بوجههك وكل محرومه ويحقق امانيكم ويقر عيونكم بما يرضيكم ياكرررريم