تابع .. اخر جزء من مسلسل اكاديميه ستار بيبي (من 35 الى 40 اسبوع ) هالمره تقديم مراوي

ابشركم بنت خالتي ولدت و جابت بنت

بس سوولها عمليه قيصريه عشان من امس الساعه 8 تطلق و الماي نزل و بنتها تعبت فضطرو يسوونها عمليه :(

الله يقومها بالسلامه والله من قالو لي ولدت قعدت اصيح ليش مادري

من الظهر وانا فيني صيحه بس ماعندي سبب الحين طلع لي سبب

على طول اتصلت في زوجي قلت له فلانه ولدت وانا لمتى يعني؟؟ قعد يضحك عليي يقولي اهي متاخره عن موعدها انتي للحين

قلت له انت السبب لو توديني امشي كل يوم جان ولدت من زمان

<<< وحده متسببه بس جاني اكتئاب اول كان انا واهي الحين بقيت بروحي

مرحباااااااااااااااااااااااا أناااااا جييييييييييت أم هديل شلونج اليوم عساج بخييير؟؟

أم جواد يالغالية شلونج بعد وينج البارحة طلعتى ولا دخلتي مرة 2 ؟

يسعد مساكم حوامل؟؟شلونكم انشالله بخير
..............................
نـــــــــبـــــــض الف الحمدلله على السلامة يانبض ومبروك ماجاك ويتربى بعزكم انشالله
وينها مــــراوي أم توقعات وأحاسيس غلط،،،تقول إحساسها بنت،،خلتني فعلا أعتمد انها بنت
اهم شي سلامتج يالغالية،، وسلامة الكتكوت،والله وحشتينا مووووت يانبض،،،كنا انا وام هديل ومراوي ودلول قبل ماتولد ،،،نبي طريقة نلاقيج فيها ونتطمن عليج،،والله دوم على بالنا
مثل ماقالت مراوي،،مادري شلون صايرين،،،احس بإحساس غريب لما اسمع إن وحدة منا ولدت،،وكأنا فعلا نعرف بعض من زمان وقلبنا على بعض،،،صايرين مثل الخوات وأكثر
الله يديم المحبة

زين والله انج طحتي علينا،،،عاد لاتستغربين من اسمي،،انا لان ماقدرت اسجل باسم ام جواد فسجلت بندى روز،،لاتتخربطين ها؟؟

ها بشري؟؟شلون الولادة؟؟ قولي لنا ترى من مجلس مايو بقينا احنا الثلاثة،،وننتظر الفرج
انتي اشطر منا ولدتي قبل موعدج ب 4 أيام،،،انشالله احنا بعد
طمنينا عليج وبشرينا عنج قريب ياقلبي
..........................................................
مــــــــــــراوي
شفيك بتسوي لحالك اكتئاب على هالسالفة؟؟ مو تّونا أمس مابي أولد الحين؟؟والكلام اللي منو؟؟انتي كل خمس دقايق بكلمة؟؟
وبعدين كيف تقولين بقيتي بروحك؟؟واحنا وين عنك يالغالية،،،هذا احنا نتشارك الأيام لحظة بلحظة وانشالله ياقلبي تكوني اول من تولد فينا....
على فكرة سألتين عن عبد الصمد القرشي؟؟
بتلاقينه في السيف تحت،،شفتي اكسسواريز(حوالين الــ Bhs) تطلعين من الباب لثاني حق اكسسواريز بتلاقين القرشي في وجهك جنب آي كس للأطفال
................................................
أم حنونة هلا وغلا شلونك ياقلبي؟؟
بسم الله عليك،،ليش هالكلام
ســــعد من ناحية شكل حلو،،فهو حلو،،بس في مين يمدحه وفي مين يذمه،،وهذا حال المستشفيات
كل وحدة تحكم من تجربتها
لا ياقلبي ما اقصد الخليج اللي بالدمام،،أقصد اللي بالقطيف،،اهو جديد ماصار له سنتين تقريبا
يمكن ماتعرفينه
.......................................................
مها
لا والله ماحد ولد فينا
..............................
بنين
هلا والله
امس الشبكة كانت زي الزفت وأنا قلت لأم هديل،،،لان من جد عصبت وطفيت النت
انتي شلونج انشالله بخير

انا توقعاتي كلها خرطي طلعت
مثل ماتوقعت في البدايه اني حامل في بنت

و بعدين توقعت نبض حامل في بنت (( حسب وصفها مالي شغل انا :) ))

و توقعت اني اولد بدايه التاسع (( هذيني بخلص التاسع و بدخل العاشر بعد و ماولدت ))

على فكره اتوقع اني اطوف موعدي بحول 9 ايام .. يعني ان شاء الله اولد على تاريخ 25/5

ومشكوره ام جواد طلعتي اشطر مني بس انا لاني اذا اروح السيف امشي بس على الجهه اللي فيها دبنهامز و بودي شوب و هالطخه اما الجهه المقابله مادري شنو فيها

ان شاء الله اذا صار عندي مجال باجر ولا بعده بروح بس باجر جامعه صج و اللي بعده معزومه
نخليها الجمعه

بس يمكن الجمعه اولد !!! <<<<<< يااااااااا دي الاسطوانة المشروخه

الله يسهل عليكmarawi81 وتولدى بالسلامة

ام جواد هلا الحمدلله انا بخير تمام أسأل عنج بس

وينها ام هديل ما دخلت للحين شكلها راحت عليها نومة خخخ