مليت من اهل زوجي ماعندهم الا هذي السالفة
متابعة النقاش، صفحة 7
شاركي في النقاش
سجلي الدخول لإضافة تعليق.
التعليقات
80- طيب انتي وش اللي مزعلك عااادي البنت عاجبتهم وش فيها لوكانت بنتك ماقلتي هالكلام الله يرزقك بالذريه الصالحه
- الصراحه الموضوع صدمني وضحكني ودعيت لك
- السلام عليكم ورحمة الله وبركاتة
بدخل في الموضوع على طول
انا متزوجة ولحد الان بدون عيال
واخو زوجي تزوج بعدنا بكم شهر وعنده بنت
واهل زوجي ماعندهم سالفة غير هالبنت
مليت زهقت جلستهم صارت سامجة وبايخة
على الغذاء والعشاء والله والله ما اكذب كل كلامهم عليها مايفتحوا موضوع ثاني
مع ان عندهم عيال بناتهم وصغار بس مايجيبون طاري غير هالبنت
قللت زياراتي لهم بين الاسبوعين مرة اشوف يمكن تغيرت سالفتهم
الا هي نفسها ماتغيرت هههههه
ابغى احس اني مع بشر تسولف وتاخد وتعطي ابدااااااااااااااااا مافيه
والله بدون مبالغة
وش السواة معاهم انصحوني وش اسوي
لان موقفي جدا بايخ اجلس واناظرهم بس
وحتى لو رحت لهم والبنت مو فيه
ماسالفتهم الا عنها
لو البنت بنتك هل بتقولين هذا الكلام ؟
البنت وش ذنبها اذا اهلها يحبونها . - طولي بالك يابنت الحلال ترى مايقصدون شئ
أنا صار لي موقف قريب من موقفك
سلفتي الله يحفظها لمن جابت أول طفل لها طارو فيه طيرة ماتتخيلينها
وصارو يهاوشون عيالي عشانه
على الرغم انهم كبار يعني في رابع وخامس ابتدائي
وانواع الدلع له وكسرة النفس لاولادي
وللاسف لدرجة انه الولد يغلط ويضرب ويسب
ويقل ادبه وامه ساكته ماتحاول تربي ولا تقوم سلوكه
والجدة والعمات أنواع الضحك ويقولو خلوه طفل صغير
وأنا الله يعلم فرحت لها من قلب والحمدلله عندي الاولاد والبنات
المهم بعد كم سنة الولد تعود على الدلع
وصار شقي شقي جدا ومايحترم أحد
لا عماته ولاعمه ولا جدته وياسبحان الله انقلبو عليه وعلى امه
صارو بس يهاوشونه ويتشكون عند سلفتي ولدك عمل و ولدك سوا
وصارت حساسيات مالها داعي
والي يقهر انه الطفل دفع الثمن صار مكروه
ومحد يتحمله لكن ذنبه برقبة أمه
هي الي اعطتهم مجال وهي الوحيدة الي راح تدفع الثمن
وأهل زوجي رجعو يمدحون في عيالي وفي تربيتهم وفي أدبهم
لأني أنا من البداية ماخليت لهم مجال يتدخلون بتربيتهم
بعكس سلفتي الله يهديها
على فكرة أهل زوجي ناس طيبين وبحترمهم كثير
بس الكمال لله لاهم كاملين ولا أنــا كاملة
فالقصور وارد من الطرفين.....
فصدقيني إن شاءالله موقصدهم شئ
وإنتي الله يفرحك بتوأم بنت و ولد يملو عليك حياتك:26:... - صدقيني لانها لسسه صغيره بس تكببر راح يدورون غيرها
ربي يرزقك ان شاء الله بـ الذريه الصاالحه يااااارب
مواضيع مشابهة
تابعي تجارب أخرى من هذا القسم.