بسم الله الرحمن الرحيم
انا صاحيه كارهه الدنيا حبيت اطرح عليكم مشكلتي
انا ام لطفلين والحمد لله بعد ولادتي الاخيره قالت لي الدكتوره اني ما اقدر احمل نهائيا ولي خمس سنوات وانا من مستشفى للثاني وكلهم نفس الكلام
رضيت باللي كتبه لي ربي والحمد لله
زوجي قلي قبل فتره انه يبغى يتزوج عشان موضوع العيال وهو طيب معايه ومحترم وخلوق ويخاف الله الحمد لله
وقلي انه ماراح يتزوج الا برضايه ولازم انا اللي اخطب له فكرت في الموضوع وقلت اليوم هو جا وشاورني وطلب رضايه بكره يمكن يدخلها على راسي ولا اعرف من تكون
وكمان فكرت وقلت مو من حقي احرمه من شي من حقه يبغى عيال وانا ربي ما كتب لي غير 2
وافقت ورحت وخطبت له بنات من معارفنا بس هم من الباديه واحنا من الحضر البنت طيبه واهلها ناس طيبيبن ومحترمين وقلت هذي ماراح تتععب زوجي ولا بتعبني وان شاء الله اكون لهااخت وترتاح معايه
وراح زوجي استاجر شقه في العماره اللي قدامنا وفرشها وملك قبل يمكن شهرين ويحكيني عنها وقد ايش هي طيبه ومبسوطه بالزواج هذا
انا مرحله الغيره تعديتها الحمد لله لاني مقتنعه وراضيه
قلي بعد ما ملك انه ما بيسوي زواج بس عشا عائلي وخلاص وانا اصريت عليه وقلت له لازم زواج البنت لسى صغيره من حقها تفرح وانت كمان افرح وانبسط مو ناقصك شي عشان تتزوج بسكات
حجز القاعه وخلص كل شي بس انا قلت ما بحضر الزواج قلي لا مستحيل لازم اكون معاه وجنبه عشان يرتاح نفسيا وقلي لو ما حضرتي الكل بيتكلم وبيقولون اني مو راضيه وتزوج غصب عني وزعلانه وكلام كثير
بعدين فكرت قلت اخاف احضر ويطلع شكلي مو حلو او تبان الغيره علي اوما ادري اش بيحصل
هو ماراح يطلع معاها وكل اللي بيحضرون الزواج اهلنا وبعض المعارف القراب بس
انا اترك الراي لكم افيدوني
شاركي في النقاش
سجلي الدخول لإضافة تعليق.
التعليقات
162- لاتحضرين وبس خير ولدك هو كل شي له حدود
- نصيحة لاتتحضرين
انت سويت اللي عليك
وارضيت ضميرك
اما الحفلة
لاتحضرينها
اعرف وحدة قصتها مشابهة جدا لقصتك
راحت واختارت وخطبت
وجهزت كل شئ
على نظرها
وكانت غلطة عمرها يوم حضرت
كانت عيونها كلها دموع
وتتوارى من الناس ونظراتهم طول الحفلة
فلاتحطين نفسك بهالموقف
وادعي له بالتوفيق - الله يصبرك ويزيدك عقل ياحكيمه
والله مادري ايش اقولك
بس انتي شوفي نفسك
اذا وده تحظرين وانتي شايفه انك قادره تمسكين نفسك وتتحكمين باعصابك روحي
اما اذا انتي وقتها تضعفين وتنكسرين انتبهي لانك بتصيرين حديث المجتمع ونظرات الشفقه من كل حدب وصوب
واذا رحتي لاترقصين وولا تحاولين تغطين تبينين انك ماهمك ؟؟ ترا الحرين ينتبهون
اقعدي ع الطاوله وخلك عاقله ورزه وكلك ثقه
الله يكتب لكم اللي فيه الخير - لا حبيبتي اذا انتي مو مقتنعة تروحين الزواج لا تضغطين على نفسك كفاية انك خطبتيله وكثر الله خيرك قولي له اذا تعزني خليني براحتي ولا تضغط علي والله يهدي سركم ان شاء الله
- ماشاء الله تبآرك الله الله يكفيك شر النآس ياقلبي
المرء خصيم نفسـه
استخيري وشوفي اللي انتي اريح لك
ماأقدر اقولك شي او راي لأني انا بنفسي مو عآرفه الوآقع اللي انتي عآيشته
مواضيع مشابهة
تابعي تجارب أخرى من هذا القسم.