رايكم باالزواج من رجل متزوج ؟؟؟؟

قبل شوي في موضوع تعدد الزوجات رديت برد طويل جدا وقالت صاحبة الموضوع اني متحامله على الزوجات الثانيه وانفجرت
والغريب بالامر انا ماامانع من الزواج بالمتعدد ولكن حطي ببالك التبعات الي تجي بعد الزواج
يعني لاتتوقعين الحياة تكون ورديه لان الزوجه الاولى بتكون مجروحه وحزينه ومستحيل تتقبلك
ولكن مع هذا انتي عيشي لنفسك وعيالك ان ربي رزقك واتركي الاولى
وابتعدي عن اهل الزوج اذا كانوا مايبون زوجه ثانيه

الي ابيه منك انك لاتولولين بعد الزواج بمتعدد لان التجارب متقاربه ولكن انتي حكمي عقلك
وانتي ادرى ممن تختارين
ويمكن هو يكون افضل من غيره


والله يكتب لك الخيره المباركه واستخيري

شوفي اول شي تطلعين تنزلين تفصلين الشاب على ذوقك ما تاخدي الا لكاتبه الله لكي
اما كلام الناس والله الناس ما بتخليكي سوى عازبة ولا متزوجة عازب ولا متزوج
ادا ما تزوجتي يقولون عنك عانس ادا اتزوجتي متزوج يطلقون السنتهم بالكلام السيء كونك اتزوجتي متزوج
وانتي في سن 30 وقلتي فيك عيب والرجل يعرفكم زين ويعرف عنه وشاريكي واهلك ما اضنهم بيعطوكي لاي احد هم مو واثقين منه زين اتوكلي على الله واتزوجي وانجبي عيالك ترى انتي ما بتسوي حرام هدا شرع الله حتى لو رفضته النساء حتى تخافين الناس الناس ما راح تشيلك في كبرك ولا بتشيلك في مرضك ولا يدقون عليكي الباب يشوفون حالك او ادا محتاجة شي او ناقصك شي حتى تسوين لهم اعتبار
اما حياة المعدد انا اشوفها عادية جدا من تجربتي والله الحمد لله ناجحة ومرتاحة ومبسوطه ولا ناقصني شي بيت وعندي لوحدي مشاكل ماعندي ابدا ضرتي هي في حالها وانا في حالي ما وصلني منها الا كل خير
ترى لا يهمك عالم حواء ترى الواقع غير ياما عائلات رجالهم متزوجين اكثر من وحده وعايشين مبسوطين ومرتاحين بس خليكي عارفه انك بتدخلين حياة رجل متزوج غيرك يعني الغيرة ويكون لك وحدك شيليها من راسك وارسمي حدود لحياتك لا تتعديها ولا تخلي احد يتعداها حتى زوجك بنفسه يومك يومك ويومها يومها ومهما جاك منها اصبري لان مو سهلة عليها يتزوج عليها زوجها في البداية بترفض ويمكن تسبب لك مشاكل لكن طنشي واشتري راحتك اهتمي في حياتك وماعليكي منها او من اي احد يحاول ينقص من قيمتك قدام نفسك وقدام زوجك خليكي في حالك وبيتك بس وهي مع الوقت بتتقبل الواقع وبيصير الامر واقع عندها وعادي لانها اتعايشت مع الشراكة وتقسيم الوقت والاهتمام والمصروف
بس يبي لك صبر وطولت البال السعادة طريقها صعب وزراعتها شي متعب لكن ثمارها يبرد قلبك واعلمي انك حتى لو انتي رفضتيها بيدور غيرك لان الرجل ادا حط في باله الزواج بيتزوج بيتزوج يعني ادا الناس تلوم تلوم الرجل مو البنت بس يا اختي الحريم ما يقدرون على الرجال فيحطون حرتهم في بنات الناس الي مالهم ذنب

كل شي له سلبياته وايجابيته

ممكن ترد عليك وحده مجروحه من زواج زوجها عليها

وتقولك لا وتخربين بيته ومن هذا الكلام

اللي اقوله لك استخيري واذا صار نصيب

قوليله اهم شي العدل وذا شفتي مال لك اكثر

انصحيه وقوليله انا خايفه عليك ولاتفرحين بانك ملكتيه

وحطي بالك انه فيه وحده ثانيه راح تتقاسمه معاك

يعني الغيره شيليها من قاموسك

وبالاخير الاسلام حلل التعدد بشرط العدل