ساعدوني بموت من القهر على حالي وبترك الدوام

8 مارس 2012

السلام عليكم
كيف حالكم ان شاءالله الجميع بخير
مالكم بالطويلة انا قصتي:

اولا: شي بسيط عني متزوجة اجتماعية جدا واحب ساعة الصدر والضحك وطيبة ومحبوبة من اغلب الناس والحمدلله وهذا راي الجميع عني

ثاني: شي انا كنت طفشانة وابحث عن وضيفة وبعد اربع سنوات جتني وضيفة مدرسة اهلية واستبشرت خير وفرحت مرة على ان الدوام طويل ومو سهل بس قلت يلة خلني انبسط وافلهامع صديقات المهنة هاذي كانت كل امالي
والصدمة هي: القروب البنات الي معي اول مرة يمر علي زي هالناس وش اقول بس
اعمارهم وحدة نفس عمري والباقي اصغر مني بسنة وغير متزوجات

اول اسبوعين من بداية دوامي محد كلمني ولا تعرفوا علي تخيلوا ولا ضيفوني من قهوتهم والداهية الامر يمرون بالشوكلا على الجميع الا انا يعدوني ويمرون على الي جنبي كل هذا وانا اناضر وقتها كانهم كابين علي موية حارة هوو لهدرجة هالمعاملة طيب ليش يعني اصلا مابعد عرفوا خيري من شري تقولون كني قد صادقتهم وتطاقيت معهم وتزاعلنا حشى وين الاسلام والمعاملة الطيبة طبعا كانت هاذي البداية ومن بعدها توالت المواقف الي والله استحي من اني اقولها
بعدها بكم اسبوع وعلى هالتجاهل منهم والصمود مني والله يابنات اني ارجع البيت واصيح انا جاية انبسط وذولا كرهوني في نفسي وطبعا ماقولكم عن محاولاتي على اني اكلمهم واخش معهم بالسوالف وتبغون مساعدة ومدري ايش وهم انواع التطنيش والسفه
مرة شفت وحدة منهم تسوي شغلها فسالتها من باب السوالف واني اتعلم ليش تلونين الجدول بالاوان هل كل لون يعني مستوى معين مامداني اكمل الا طيرت عيونها وغطت اوراقها بيدينها وقالت مالك دخل مالك دخل
انا ارتعت من ردة فعلها كني عدو

لا ومرة عزمتهم وحدة من البنات لبيتها وانا كلنا مجتمعين بغرفة المعلمات وتتكلم باعلى صوتها تبيني اسمع والا هم بالعادة يساسرون بعض ويسولفون بصوت واطي اما هذي صوت واطي وسوالف وشلون تجتمع مدري
المهم وباعلى صوتها تقول تدرون وش افكر فية الحين محتارة وش اعشيكم اذا جيتو بيتي وهاتك ياقتراحات من الباقين وراعية العزيمة تسال وحدة من البنات هاه وش صار عليك بتجين والا لا حاولي ومن هالكلام
طبعا انا اسمع وساكتة وهم هاذي سالفتهم ماخلصت يعيدون ويزيدون يبوني انقهر والا ايش السالفة ماتستاهل كل هالوقت ولا فكرت تجاملني وتعزمني اساسا انا ماراح اجي لو تقول لي بس من باب المجاملة
وعلى فكرة راعية اعزيمة هي نفسها الي قالت مالك دخل يوم سالتها عن شي في الشغل وهي الي في نفس عمري بضبط

وبعدها باسبوع اتفقوا انهم يطلعون مطعم وصجوني بسالفة طلعتهم اسبوع كاااااامل والمشكلة يناضروني وهم يتكلمون واذا طاحت عيني بعينهم يلفون وجههم

وانا مقدرة انهم يبون يطلعون لحالهم ومايبون احد غريب بس يابنات وين المجامله وين الذوق راح حشى حتى الاسلام ماوصى على كذا وين الاحترام اقلها يجاملوني يقولون تطلعين معنا ولايلزمون يقولونها مجاملة وانا بفهم انها مجاملة وبقول شكرا ماتوقع اقدر انبسطوا انتم وبس هاه سهلة ونصير مجتمع راقي وفية احترام للغير
وتقدير للمشاعر

ومرةعندنا بريك طلبو كلهم من المطعم ولا علموني اطلب معهم وتخيلوا بريك غصب اجلس معهم في الغرفة وكل وحدة قاعدة تاكل ولا احد كلف نفسة يقول تفضلي مع ان كل وحد معها ساندويشين الساندويتشات الي تجي قطعتين
انحرجت مرة وضاق صدري اناجالسة اناضرهم ةهم ياكلون
ليييييييييييييييييييييييييييييييييش كذا وش السبب
صرت انا الحين كلامي معهم قليل وهذيك الي قالتلي ماللك دخل صرت ماعاد اكلمها ابد
بنات انا افكر اترك الشغل مع ان امديرة تحبني ومابي اخسرها يعني بتقول وش السبب وش اقولها البنات مايحبوني مهي زينة بحقي
وحتى انا بالويل لقيت هالوضيفة وابي خبرة مع اني الحمدلله ماني محتاجة الراتب لان اصلا نصه ياخذة السواق الي يوديني
وفي نفس الوقت مابيهم يحسون اني تاثرت من معاملتهم وتركت عشانهم ويحسون انهم انتصروا
وش السواااااااااااااااااااااات :44:شورو علي وش اقرر ووش لون اعاملهم
بس لاتقولون طنشي لاني مقدر
:icon33::icon33::icon33: