شاركي في النقاش

سجلي الدخول لإضافة تعليق.

التعليقات

402
  1. صاحبة الموضوع
    fatoomah123
    صح لسانك حبيبتي ولكن للاسف الواقع بعض الاحيان يكون بعيد عن كلامك يعني زوجه تدخل علي عايله وزوج وتخرب الدنيا وزوجه ماشء الله تبارك الله صوتها ماينسمع وفي اهل الله يهديهم يقلبو حياه الزوجه جحيم واهل ينحطون علي الجرح يبرا ****لله نكون منهم يا…
    صح بدنك يا الطيبه
    فعلا الواقع منوع فيه الزين والشين
    لكن ليه لازم مايطلع صوتها عشان تنمدح وتكون رائعه
    ليه مو بشر هي ترضى تزعل تنفعل
    مو هم يشوفونها بنتهم ورى ما يتقبلون عيوبها مثل ما يتقبلون عيوب بناتهم وقبل كذا ولدهم
    وفيه الشريه صح ما انكر لكن لو عاملوها بالاسلام صدقيني بتتقوقع بشرها وتاكل بنفسها
    لكن يعاملونها بشر مثلها ما استفدنا
    احنا نعامل الناس باخلاقنا والا باخلاقهم
    يوقفونها الشريه عند حدها فقط لايبالغون ولا يراكمون الامور ولانها غلطت مره يقعدون لها بالمجهر انها راح اكيد دايم تغلط
    والاهل كمان معك حق
    بس نبي موضوعنا فقط زوجة الاخ ... عشان ما تتفرع الامور
    كلن يعمل بدينه واصله وتربيته
    نحترم الناس ونجبرهم يحترمونا
    لانغلط ولا نخلي احد يغلط علينا
    وسطيه
    نقدم الواجبات الدينيه فقط اللي علينا
    وناخذ حقوقنا الدينيه فقط وندافع عنها
    والله يجعلنا ممن يقولون لاوامر الله سمعا وطاعه
    والله لايكتب علينا ننظلم او نظلم غيرنا
    بارك الله فيك
    دمتم بود
  2. صاحبة الموضوع
    بنت تبوك2009
    تصيرين اخت زوجي !! :) مو كل اخوات الزوج بحكمتك وعقلك انتي انسانة رائعه وحكيمة ياليت الكل يقرأ ويعتبر يقرأون من هنا وينسون من هناك الله اعلم بالنيات والخبيثات اخوات الزوج الله ياخذهن اخذ عزيز مقتدر و يريني فيهن عجائب قدرته


    اصير:)
    اي وحده تزعلك منهم او تضايقك
    اطلعي فوق وهاوشيني وفضفضي وكاني هي
    واستغفري ربك وهدي
    لا انا مو رائعه ... ولا حكيمه
    انا وحده اخاف الحساب والله
    واعرف ان اعمالنا مهما سوينا نظل مقصرين
    هو احنا ناقصين ذنوب
    عشان نتمتع بظلم الناس وتصنيفهم حسب مزاجاتنا
    لا بعد مو اي ذنب .... ظلم ويا الله ما اكبره من ذنب
    اللي تصد عن الخير الله ماراح يبارك بحياتها لانها تظلم
    مهما توفرت لها متع الدنيا ماهنا بركه ولاخير
    يمكن هم على بالهم مو ظلم يعتبرونه انتقاد حزازات
    هذي مشكله
    او يمكن هم مقتنعين انها هي الظالمه
    وذي مشكله اكبر
    يبي للنوعين فرمتة دماغ
    وفتح صفحه جديده
    مانقول خانعات سلبيات لا
    بس منطقيات عادلات
    ومالنا ومال الناس
    وربي يجزي كل واحد بنيته
    سواء طيب او غيره
    وربي يسخر لك عباده ويريح بالك ويفرج همك ويرزقك من حيث لاتحتسبين ويالف بين قلوبكم
    شكرا لوجودك
    بارك الله فيك
    دمتم بود
  3. صاحبة الموضوع
    همس المزون
    ياختي مو كل زوجات الاخوان مثل اللي ذ كرتي لاوالف لا لاننا عايشين هذا انتي ماعشتيه على الرغم ان مالنا علاقة لابحياتها ولانتدخل بشؤنها الله يجعلها تشوفه في عيالها اهي وامها وخواتها ان كان لنا حق عندهم انك تكتبكي عن شئ ما تدرين عنه لاماعشت…
    يا الطيبه
    هل ذكرت انا ان زوجات اخواني لبى قلوبهم ملائكه
    ماينسمع لهم حس ولا صوت على قولتكم

    هل قلت لكم انها تنادي امي طول الله بعمرها يمه والا امي

    هل قلت تنادي تاج راسي ابوي يبه او ابوي >>> وحده منهم تقول

    هل قلت تعطينا مفتاح بيتها وتقول انتم الداخلين واحنا الطالعين

    هل قلت انها تقول ربوا عيالكم واحفادكم على هواكم انا غريبه وبنت ناس

    هل قلت انها تقول طبوا علي متى ماحبيتوا ولاتعطوني خبر

    هل قلت انها تقول لرجلها اللي هو اخوي لو جاء بيطلع يجيب لها غرض مر اول على اهلك يمكن يبون غرض اهم مني


    لا لا لا
    ها الاشياء اللي ما انزل الله بها من سلطان ما سويناها حنا عشان نطالب بنات الحمايل يسوونها
    هم بشر زينا يغلطون ..نفهم بعض غلط وهذا مو غلط
    بيئتهم غير وتربيتهم غير
    تقبلناهم مثل ماهم
    لكن ترى يالطيبه
    فيه امور صغيره
    تفاهات يمكن تسمى هي اللي تسبب تراكمات ثم توغر الصدور
    يمكن انتم مالكم علاقه فيها لكن بحسن نيه تتصرفون تصرفات تشوفها هي انتقاص لبيتها او لنفسها او عيالها
    من دخلت عليكم وهي كذا
    يمكن هي مو اجتماعيه وتظنونها شينة نفس
    انا مدري وش صدر منها او منكم
    لكن اللي ادري
    ان لو توكلنا على الله واعطينا لله واخذنا لله
    ان لو عاملنا كل انسان مثل ما نحب احنا الناس يعاملونا
    ان لو احنا ماتدخلنا باحد بكل ماتعنيه ها الكلمه
    وترفعنا عن صغائر الامور
    راح يكون خير
    لكن بالنيه اهم شي عقد النيه لله
    اجلسوا بجلسه صفوا القلوب وتعاتبوا مو تهاوشوا
    مانفع
    خلاص

    سبحانه يعلم السر وماتخفي الصدور
    وربك ما يظلم عباده
    وموضوعي واقعي
    زوجات اخواني بالواقع مو بالخيال
    وشوفي كم فاضله قالت ان عندها مثل زوجات اخواني
    ليه
    لان النيه مطيه
    الله يفرج همكم ويالف بين قلوبكم ويرزقكم المودة وراحة البال
    بارك الله فيك
    دمتم بود
  4. جزاك الله خير على هالكلام الرائع
    اللهم طهر قلوبنا من الحقد والحسد والف بين قلوب المسلمين يارب
    سبحان الله وبحمده .. سبحان الله العظيم

تابعي تجارب أخرى من هذا القسم.