شاركي في النقاش

سجلي الدخول لإضافة تعليق.

التعليقات

2,007
  1. مسا الخير بنات شخباركم ؟!
    كود و رجاء الله يسر لكم يارب
    موزة الله يثبت أجنتك
    باقي البنات الله يرزقكم يارب

    ونرجع لاسئلتي اليومية ،،
    يوم السحب احتاج حد يروح معاي ؟ هل بيدخلونهم ؟ وكم مدة عملية السحب؟ وهل أريح عندهم والا اروح البيت سيدة

    نجي ليوم الترجيع ،، غالبا كم تاخذ العملية ؟ وهل تحتاج بنج ؟ وكم يوم بين السحب والترجيع لانه السحب بعد بمرة

    أخيرا
    ادعولي بروح أخذ الإبرة التفجيرية
  2. صاحبة الموضوع
    جرين
    كالعادة انا برد عليج خخخ
    يوم السحب يفضل حد يكون معاج و بعد ما تفوقين من البنج بيدخلونهم عليج و الله المدة مب طويله عملية السحب كلها تقريبا ٢٠ دقيقة على حسب عدد البويضات بس يخلونج عندج في الاستراحة لين ما تفوقين من البنج و يعطونج الريوق الزين :) كل انواع الخبز اللي في الدنيا مدور ... مربع .. مستطيل.. مكعب .. اللي تبين ..لما تحسين انج صحصحتي بيطلعونج .. تقريبا ساعة بعد العمليات ..و من تفوقين اطلبي اغراضج و جوالج عادي.. اصلا قبل العمليات يعطونج كيس تحطين فيه كل العدة و العباية و ثيابج و شنطتج و لما تفوقين اطلبي الكيس على طول ..البنج خفيف وايد بس لما تفوقين يمكن تتالمين شوي عادي لما تروحين البيت اخذي بروفين او بندول انا اخذ بروفين لانه اقوى .. و يمكن ينزل عليج دم بسيط .. عادي لا تخافين .


    يوم الترجيع لا ما يكون فيه بنج يكون مثل الكشف النسائي العادي و المثانة مليانه .. بسيط ما ياخذ كله مع تجهيزاته ١٠ دقايق يمكن اقل ما يعور كلش . وبعدين تقعدين عندهم تقريبا ساعة .. على حسب الزحمة .. تروحين بعدها تصرفين ادويتج وتتوكلين على البيت و تبدأ معاناة الانتظار هخخخخ كلش ما احبط ..
    بين السحب و الارجاع على حسب يعني انا في اوقات كانوا يرجعون لي اجنة عمرها يومين ( بعد السحب بيومين ) و في ناس يرجعون لهم بعد السحب بخمس ايام كل ما كانت المدة اطول معناته ان الجنين اكبر و اقوى .. غالبا خامس يوم يكون الجنة وصل مرحلة المضغة و الفرصة تكون احسن ..يعني لو السحب الاثنين و قالولج تعالي الارجاع الاربعاء يعني عمر الجنين يومين . و هكذا ..
    اخر مرة رجعولي اجنة عمرها يومين بس كل اجنتي المجمدة عمرها ٥ ايام ..فممكن يرجعون لج عمر يومين و يجمدون عمر ٥..
  3. صاحبة الموضوع
    موزة .. اخبارج .. ؟؟ صامدة ..
    الله يثبت اجنتج يارب .
  4. @aml_orgaaa

    code
    امل .. ٣ حبات بعد معقول انا اقصى شي حبتين .. سألتني عندج اعتراض قلتلها انتي الدكتورة و اكيد لج وجهة نظر بس صراحة متخوفة ..الله يسير بوكل امري لله .. اصلا انا المحاولة كلها على بعضها قاعدة اسويها اداء واجب ما حاطه عليها امل كبير .. بس املي …
    يختي انا مثلك المحاولة ذي اداء واجب واملي بالله. الله كريم ويسهل اللي لنا فيه الخير يارب بكرة موعدي وبطمنكم ان شاء الله :time:
  5. الله يبارك فيكم حبايبي - واسأل الله سبحانه ان يرزقكم الذرية الصالحة الطيبة المباركة. واسأل الله ان يفرح قلوبكم بالأجنة السليمة المعافاة من كل سوء ان على ذلك قادر.
    ويارب تحملون كلكم قبل الانابيب وتفرح قلوبكم بالحمل.
    وجراكم الله كل خير على الدعاوي الطيبة الي كتبتوها واسأل الله ان يفرح قلوبكم بالحمل الطيب وبالذرية الصالحة.

تابعي تجارب أخرى من هذا القسم.