بشرونا بمكرمه ملكيه للخريجات القديمات
واستبشرنا خير قلنا باذن الله الفرج جاي
والغو اثبات الاقامه وتفائلنا اكثر وننتظر فتح التقديم وقدمنا ولله الحمد والمنه وجلسانا
ننتظر شهرين الين تعلن الترشيحات على احر
من الجمر وطلعت الترشيحات وحطينا بالنا
باذن الله متوظفات 99 % من كثر ماتعشمنا
ولنا مكرمه خاصه مابعدها شي
بالاخير انصدمنا بواقع مؤولم وين التوظيف للقديمات وين لهن المكرمه وين لهن تعويض السنوات اللي راحت من اعمراهن وين وين
الحين انا لي 14 سنه ودخلت على 15 سنه تخصص احياء وقدمت بمناطق مالي احد فيها الا الله سبحانه من الشرق الين الشمال الين
الغرب الين الجنوب توزعت بجميع مناطق المملكه وغيري كتب 45 رغبه ولهن 12 و13 سنه ونقاطي حلوه تشفع لي اقدمية التخرج
وش يبون نسوي نهاجر ولا نقدم بالمريخ
تبون الصراحه طفح الكيل الين متى يتلاعبون
فينا الين متى يمارسون معنا انواع الظلم والقهر مايخافون من دعوة مظلوم وتحسب مسكين ربي يمهل ولا يهمل تسلطو علينا
هالمسؤولين بكراسيهم واذا كلمتي احد قال رزق والنعم بالله سبحانه الحين عرفتو الله والرزق اجل الفساد والظلم وشو ؟؟
الله سبحانه عظيم شانه حرم الظلم على نفسه وهم ظالمين اكثر دائرة فساااد بالسعوديه التعليم والخدمه المدنيه اغلب موظفيهن وموظفاتهم امورهم باالتلاعب هالكلام ماجبته من نفسي موظفين بالوزاره
يقولون الا فيه فساد ولعب ولف ودوران امورهم من تحت الطاوله المشكله انا ماعندي مصداقيه بهيئة الفسااد ابد هي يبيلها هيئه لاكن انا عندي دعاء ورب فوق الخلق الله يسلط عليهم من هو اقوى مني ومنهم ويورينا فيهم عجايب قدرته ياقادر ياكريم والله لا يحللهم الين يوم الدين وباذن الله ابقتص منهم بيوم عظيم عند رب كريم سبحانه
حرة وقهرررر بقلبي ابطلعه
الحمدلله على كل حال والله يفرجه علي من اوسع ابوابه
شاركي في النقاش
سجلي الدخول لإضافة تعليق.
التعليقات
24- اللهم آمين
- اللهم امين اشعر من كلامك الضعف"""""" المؤمن القوي عند الله خير من المؤمن الضعيف
لابد من التحرك واظهار اصواتنا - والله كنت منقهرة على حالي .........واللحين انقهرت على حالك ..........الله يرزقك يارب
- ياختى كلنا بالهواء سواء
انا دراسات تربوية ونقاطي عاليه 86
لى 11 سنة وقدمت بمنطقتى وكان احتياجها كبير
ابي احد يرد على يقول لى السبب ليش ماترشحت
حسبي الله ونعم الوكيل - الله يوفقك وفعلا لك من اسمك نصيب كلنا مثلك الله يكفينا فيهم لاوظيفه ولازوج ولا ابناء واخرتي بدار العجزه بس الامل بالله كبير وماتضيق الالتفرج ولانك ربي ساطرق الباب حتى القتح
مواضيع مشابهة
تابعي تجارب أخرى من هذا القسم.