من اربع سنوات نزل أسماء اختين وكنت وقتها مجروحه ومحروقه على شهادتي ودراستي
ونزلت موضوع بمنتدى الوزاره عن أسماء الأخوات وانها واسطه ونفس الحكي اللي يتكرر هنا
وجت وحده منهم ودعت علي وحلفت يمين ان مالهن واسطه بس ماصدقتها
وكان وقتها غايب عن بالي اننا بالسعوديه بالغالب البيت الواحد متوسط البنات فيه 7 واحيانا اكثر
وكلكن تعرفن ومر عليكم بالكليه فيه خوات كثير اللي بالمستوى الأول واللي بآخر سنه
الحسد أو الظلم خلانا ننعمي عن الحقيقه او التسرع بالقرار
اخت متخرجه من 10 سنوات تخصص انقليزي والثانيه عربي من 13 سنه مالهن حق بالتعيين لأنهم بس خوات
بأي قانون تبون تحرمون وحده منهم من التعيين لانهم خوات؟؟؟
اللي نقاطها أعلى وترشحت بنت أقل منها هذي لها حق تتظلم وتشتكتي وفعلا هنا الواسطه لها دور وياذكيات بالله واحد عنده واسطه يبي يحط كل بناته وينبه عيون الناس اكيد بيعينهم سنه ورى سنه
ولايغركم ذا كله محد يدري الخير وين قبل سنتين أب وثلاث من بناته راحوا بحادث بالمنطقه الشماليه الله يرحمهم جميع ويعوض شبابهن بالجنه
خلونا يابنات متسامحين وندعي ربنا يرفع الظلم وينشر العدل وصدقوني هي أشياء مقدره لنا ولاندري وين الخير مكتوب
وبالمناسبه لو مرت الأخت اللي كتبت اسمها هي واختها من حفر االباطن قبل 3 سنوات او اربع تسامحني ويعلم الله وقتها كنت جاهله عن الحقيقه
خواتي لاترمون التهم وتتحملون ذنب يمكن يحرمكم من الخير وكلنا نعرف ان بعض الحرمان من الذنوب وش أشد الذنوب الا الظلم
دعواتي للكل بالتوفيق
عدد كبير من المرشحات عندهم أخطاء وفيه ناس تدخل وهمي وفيه ثانوي واساسا ماراح يطابقون وفيه ناس موظفه قدمت عليها كل هذا بيتيح لكم فرص بعد استبعادهم بس انتم اصبروا وادعوا
شاركي في النقاش
سجلي الدخول لإضافة تعليق.
التعليقات
26- صحيح كلامك اختي لما توظفت راحت تطابق بياناتها جات وحدة اسمها نفس اسم اختي بالضبط نفس الاسم الرباعي الي فرق بينهم السجل المدني يعني ممكن تصير تشابه اسماء وهذا رزق من الله
- والله صادقه اختي
هذا نصيبهم ورزقهم جاهم
واحب لااخيك ماتحب لنفسك - الله يجزاك خير والله يسامحك ويسخرهن لك يسامحنك يارب وجزاك الله خير على التنبيه
- موضوع حز فى نفسى والله يجزاك خير علىى التنبيه
- يارب الفرج منك افرجها علينا يارب
والله اختي كلامك صحيح وانا يشهد علي ربي رغم قهري وحرقة قلبي الا اني مشغولة بنفسي والدعاء لنفسي ولخواتي اما هم لو ظلمونا لهم رب يحاسبهم مو انا اللي راح احاسبهم
حسبنا الله ونعم الوكيل تكفي
جزاك الله خير الجزاء على التنبيه اتمنى من اخواتي في المنتدى يستمعوا القول ويتبعوا احسنه
مواضيع مشابهة
تابعي تجارب أخرى من هذا القسم.