نبي رواتب دام مافية وظاااااااايف

اللي تقول تفكيرنا ماااااادي بحت

ايه مااادي ونص اذا انتي مرتاااحه ورصيدك بالبنك يكفيك وزوووود
حنا على الله وعلى هالازواج والا الابوان اللي يصرفون علينا بالقطااااره
وشهاداتنا بالدروج مااستفدنا منها ولاحللنا شقانا وسهر الليالي لو بريال
من يعوضنا عن سنين عمرنا اللي راحت

انا معكم نبي بددددددددددل عطااااااااااله
والا يمشوووووون لنا رواتب لين يوظفوووونا
نبي نعيييييييييييييييش

على الله ثم على هالازواج والابوان
لا تخلين الفلوس تعميك وتدخلين بشرك اصغر

الي يقهر جد
ان قضية الوظايف ماهي مستحيله وبالعكس الطلاب محتاجين توسيع وزياده عدد المدارس
الفصل الواحد فيه اكثر من اربعين طالبه ليه ؟
هالشي تاثيرة سلبي على الطالبه والمعلمه
فرق كبير لما معلمه توجه اهتمامها لعشرين طالبه او 15 وبين معلمه ضايعه بين 40 طالبه بالفصل
حتى استعياب الطالبه يفرق
طيب ليه ما يزيدون عدد المدارس وش المانع ؟ عليهم قل فلوس ؟
ميزانيه الدوله تقدر تسوي الفين جامعه وماينقص منها شي مو عاد مدارس
والفايده على الكل من طالبه الى معلمه الى عاطلة تلقى وظيفه

مو معقول لهدرجه هم شايفين الحل صعب
على هالوضع كيف الطلاب بيصير لهم نفس يدرسون ويتفوقون
وهم عارفين مصيرهم بيجلسون 10 سنوات واكثر بدون وظايف

واللي تقول اللي تبي وظايف هدفها مادي بحت
عجبي ؟؟
كل انسان رجل او امرأة مايتوظف الا علشان يعيش من راتب الوظيفه
والا كان شفتي وظايف بدون رواتب للي هدفهم غير مادي
واتحدى احد يبقى بوظيفته لو الدوله وقفت صرف رواتب
حتى الوزراء راح يستقيلون
حتى الاغنياء ماراح يجلسون بوظايفهم
مين المجنون اللي بيطلع من الصبح لدوام بدون راتب؟