شاركي في النقاش

سجلي الدخول لإضافة تعليق.

التعليقات

2,007
  1. code
    بيت سعيد .. ايوه كده يا ام سعيد ..:) ترى انا كنت اتصل على رقم و اعصب اقول اشفيهم ما يردون اكتشفت بعدين في رقم ثاني .. لما اتصلت عليه ردوا على طول .. GreenGrass أخبار السحب ؟؟ ان شاء الله امورج طيبة .. طمنينا عليج ..
    هلا كود ،، الحمد لله سويت السحب اليوم وطلعت الظهر بس شوي احس بالم في المبايض ،، بس بإذن الله بكرة يخف،،
    بس جد أنبطت جبدي من وحدة قعدت جنبي في الانتظار وسالتني سحب؟ قلت لها إيه وتمت تحكي لي تجربتها وتسب في مستشفى النساء وقسم الانابيب وتقول المعمل فاشل والدكتورة فاشله ،، هي اول تجربة لها انابيب علما ان عندها ولدين طبيعي جايبتهم ،، وفشلت لانها هرمون الاسترادول كان مب أوكي،،، أنا عاذرتها انها متضايقه من الفشل بس جد بطت جبدي لانها اولا كانت تبث طاقة سلبيه وكل الي حوالي كانوا يسمعونها ثانيا هي مب قطرية وتسب في مستشفانا وقطر موفرة لها الوظيفة والأمان والعلاج باسعار بسيطة

    ضايقتني جد ،، بس أنا أبدا ما تأثرت لأني متيقنه انه الله الرازق ومتيقنه انه عمليتي بتنجح وصراحة قسم الانابيب من ممرضات وموظفات ودكاترة كلهم متعاونين ،، دكتوري مريم اليوم كانت تبتسم وتضحك وجاوبت ع كل الي في خاطري حتى ثريا مع أني مو مريضتها بس كنت اسألها عن الاجهاضات السابقة ،،جد متعاونين.

    بس تعبت وانا اكتب  
  2. @aml_orgaaa

    الحمد لله على سلامتك ياكرين والله يتمم على خير.

    بكرة عندي مغذي حق الاجسام المضادة الجرعة الثالثة ادعولللللللللللللي :(
  3. صاحبة الموضوع
    greengrass80
    هلا كود ،، الحمد لله سويت السحب اليوم وطلعت الظهر بس شوي احس بالم في المبايض ،، بس بإذن الله بكرة يخف،، بس جد أنبطت جبدي من وحدة قعدت جنبي في الانتظار وسالتني سحب؟ قلت لها إيه وتمت تحكي لي تجربتها وتسب في مستشفى النساء وقسم الانابيب وتقو…
    الحمد لله على السلامة.. وما شاء الله اذا طلعت من السحب بهذي النفسية الباقي اسهل ان شاء الله..
    اخذي مسكن عادي بندول او بروفين مافي مشكلة ..
    و في ناس جذي الله يهديهم حتى انا لما اقعد تحسين بروحج فيج الضيقة و هم يكملون عليج .. و عادي انا اول محاولة نلغت لان الاستراديول ارتفع تصير في وايد ناس و في وايد اماكن بس المرة الجاية يتلافون المشكلة و يعدلون الجرعة ..
    و انا مازلت على راي ان القسم في حمد على الامكانيات المتوفرة عندهم ممتاز .. اصلا القسم صغير و يستقبل اعداد كبيرة فالغلط وارد و بعد معظمهم نفسيتهم و تعاملهم اوكي .. و ترى نسبت الحمل عالية في القسم .. وهذا الاهم ..
    و الاهم انتي معليج منها و ان شاء الله بويضاتج يفقسون ههه و يتلقحون كلهم يارب .:icon28:
  4. الله ييسر لكم بنات جرين المفروض تحمد ربها زين ان بقطر العلاج بدون خساير بهالمشفى الحكومي لان تكلفة الأنابيب وليدة احنا نخسر ألوف وألوف ووضعنا المادي زفت يعني نضطر نجمع ونحرم أنفسنا مم سفر وترف الدنيا علشان نسوي عملية وبالنهاية تفشل الحمد لله على كل حال
  5. هلا وغلا بام سعيد الغالية <---------- من الحين غيرنا اسمج هههههههههههههههههه
    شخبارج وش اخر التطورات ؟؟؟ بدأت الشفاية عندي ترى...
    وخلووووووووووودي يبيله عروس الحين جان عندج تزوجينه هههههه


    كود:
    تبارك الله انتي اكثرررررررررررر مجاهدة بهالملف ماشاء الله لاتقولين صكيتج عييييييييين ربي ينولج اللي في بالج ..


    أخباري:

    أنا عن نفسي اليوم ثالث يوم من الترجيع بعد إرجاع اربعة اجنة بالحاح مني <--- اللقافة مني
    وكنت ابي اسويها بالاردن هالمرة لاني ماكنت ابي اكرر تجارب هني بس للاسف زوجي صارت له ظروف منعته من السفر
    وانا وحدة موسوسة من مسألة الوقت فقلت بدااال ماضيع وقت اجرب يمكن تكون خيره ظروف زوجي
    والحمدلله على كل حاااااااااااااااال ...
    أنا يقيني دائماً أي مشكلة تعرقل حياتي فهي خيره من رب العباد لي والحمدلله لااعترض ولا ازعل ...

تابعي تجارب أخرى من هذا القسم.