زعلانه وأبغى كلمة ولو جبر خآطر ......

بسم الله الرحمن الرحيم


أول مره أكتب مشكلة لي بس شفت منكم حكيمات والله اني استفدت كثير من بعض النصائح وحلو الوحده تستفيد وتفيد من تجربتها عشان اللي تجهل بعض امور تتنور

بدخل بالموضوع أنا متزوجه لي سنه ونص بسسسس

صار خلالها مشاكل كثيره مررره مايمر اسبوووع واحنا متراضين لازم زعل والله جد بشكل فضيع


اولاً كنت اتعامل بأسلوب والله لعلم أمي والله لأفضحك وادق على امي وابكي وامي تكلمه ويقول الغلط مشترك ويكابر و ماشفت فايده احس ادخل امي مسكينه تعصب ويرتفع عليها الضغط والسكر :(

وبعدها قلت خلني احل مشاكلي بنفسي بس مرره مااتحمل لازم اخااصم وارفع صووتي واصارخ :angry2:واقوول اشياء تزعل وماالاقي نتيجه اخرتها


والمشكله الكبيره زوجي لايمكن يراضيني لو ايش ولا مشكله من اللي صارت قال انه غلطان كلها يقول انو انا اللي غلطانه وبالتالي هو مازعلني وبالتالي مافي سبب انو يراضيني وانا اللي غلطت اصلا يعني الزعل له هو مو لي وهو ماايبغى مني شيئ :eek:


يعني بعد الزعل يطنشني ولا يكلمني ولا يراضيني وهو اللي يكون زعلان

ولما يطنش احس بحرقه وقهر واحس ناااار تشب فيني واحس كأني ولا شيئ ومهمشه ومش مهمه ولا اعني له اي شيئ آآآآآآه يآآقهري

عجزت اتصرف عجزت واقسسسم بالله اخرتها الحين اكتب وانا ابكي ماادري وش اسوووي رحت قلت له انا زعلانه اتمنى انك تحس فيني وتطيب خاطري بكلمه قال مازعلتك عشان اراضيك

:(

وش اسووي كيف اتصرف كيف اخليه يحسب لزعلي حساب ويراضيني والله اني اطر منه طراره الرضوه ويعي مايراضيني جرح انوثتي وكبريائي تعبت :(


مع العلم انه حقود وحساس وزعووول

16 تعليق 2,907 مشاهدة

شاركي في النقاش

سجلي الدخول لإضافة تعليق.

التعليقات

15
  1. @am_hlolh_2

    ياقلبي انتي توك في بداية حياتك الزوجية ولااااااازم يكون فيه مشاكل كثير ولازم تفهمين انه اغلب الرجال مايراضون وزوجي منهم حتى لو هم غلطانيين بس انتي حاولي تفوتين وماتزعلين على اي شي والنوعيه هذي خليها بلحاله يجي ويكلمك وكاأن مافي شي وانتي لاتحرقين نفسك هدي وبسطي الامور ولاتغلطين بالكلام واهلك لاتعلمينهم بشي نصيحه من اخت لاختها لأنك يتراضينه وبتنسين وهم ماراح ينسون بيكرهونه وبيصيرون يدققون عليه وهذا بينعكس على علاقتك بأهلك.
  2. @grhony_kthyr

    اوف اوف حقود وحساس وزعول ههههههههههه اشين صفات

    طنشي بس لاتاكلين هم ع الفاضي وتتعب نفسيتك عادي راضيه خيركم من يبدا بالسلام لك أجر اذا بديتي انتي
    واعرفي وش يبي زوجك وش نقطه ضعفه واستغليها واجذبي بحاجات يحبها بلبسك شكلك كلامك اي شي
  3. @nonon_2

    المشاكل في كل بيت مافي بيت يخلو من المشاكل طنشيه لاتراددينه شوفي حياتك كيف تصير الله يوفقكم ويسعدكم ويبعد المشاكل عنكم

تابعي تجارب أخرى من هذا القسم.