لوكنتو مكانى تزوروها ولا لا ؟؟؟؟؟؟؟؟


السلام عليكم ورحمة الله وبركاته


اخت زوجى ولدت لاكن مانى قادره ازورها ..زوجى تزوج على قبل سنه ولاوحده من خواته خاصمته ولاعلى الاقل انكرت عليه الامر ولافكرت اى وحده تواسينى ...الا لما سكنت بشقتى الجديده قبل 6 سنوات كانت اخته تقول فرشت جديد وسكنت جديد وليش ماتتزوج وحده جديده بضحك بس مو قدامى ...

الى ان تزوج من الخارج ...اللهم لااعتراض على ارادتك

انا انقطعت مدة سنه ..بس اسنه اللى راحت ولدت بنوته وفى اليوم 21 جت اخته ومعاها وحده من خواتها كمان الكبيره

وزارنى بكرتون عصير والله للعلم الاثنين اخواته معلمات .. انا ماابغى منهم لازياره ولاهدايا الحمد لله والشكر بس ولاوحده من خواته نصحت اخوها لما غاب عنى اثناء زواجه ونسيانه لى ولاولادى ايام زواجه ...حتى غاب عنى رمضان الفائت وتركنى وحيده بلا مصروف مع اولادى ولافكرو يسألو عن اولاد اخوهم ..عشت بحاله عصيبه الله وحده اعلم فيها ...

والان امى ع نياتها تقول روحى زوريها ليش مازرتيها امى مره طيبه بس انا فينى نزف جرحى لسه ينزف ..وشلون اقابل الحريم عندها خاصه الكل يبغى يشوفنى بعد زواجه وكانه ماتزوج الاهو بالكون .....

رايكم لو كنتو مكانى بتزوروها ولالا...........
واذا كان رأي الاغلبيه انى ازورها افضل!! ....ايش آخذ لها معى ..والاجر على الله





32 تعليق 2,637 مشاهدة

شاركي في النقاش

سجلي الدخول لإضافة تعليق.

التعليقات

32
  1. @kasy_almasy

    خيركم من بدأ بالسلام

    روحي وايش عليكم من الناس وخليك الأحسن ولا تبيني شيء عليك ولا تعاتبيهم في شيء

    روحي واخذي معاك صحن شوكلاته وطقم او طقمين للطفل

    وبس ولا تتعبي نفسك بالتفكير

    اهم شيء تروحي لهم
  2. مدري يمكن لو تقابلين اساءتهم لك باحسان وتزورينها افضل لك ولك الاجر ترى الدنيازائله وكل شي زائل
    خذي لها قهوه وحلا ومعجنات جاهزه وسلمي عليها وباركي لها وانتي ربي معك ماانتي بحاجه لاحد والله يعوضك خير ويسخر لك زوجك
  3. من خلال تجربه انصحك لوجه الله لاتهينين نفسك لجل أي حد في الدنيا لو هي امك والديك (وأن لنفسك عليك حقا)


    انتي مجروحه مرتين من زوجك وخواته كيف تجبرين نفسك تدوس على الجرح بجرح ثالث ..... نظرات الناس وشماتتهم وماتضمنين حركات

    خواته ونقزاتهم ....... فليش اخسر صحتي ؟ من يستاهل ؟


    انتي الحين ماعندك شي تخسرينه ..... زوجك وتزوج .....شاف نفسه وراحته ....... خواته انتي ماهميتيهم ولاعيالك هموهم شافوا راحتهم

    ماحملوا نفسهم مسئوليه وواجب لما غاب زوجك ....... طيب وانتي ؟؟؟ كثير على نفسك تعزينها لو بشوية كرامه ؟؟؟


    يا أختي محد بيضمد هالجروح غيرك ...... لاتنتظرين زوج ولا أهل ...... وعلى فكره كل مازاد الجرح وكبر بيولد جروح اكبر وأمراض تعرفينها الله

    يجيرنا وياج منها


    وأول خطوه للعلاج : اسفهيهم ولا تضغطين على نفسج اذا عندهم مناسبه اذا مو مرتاحه منتي بمجبوره وشوفي كيف يحترموكي مو من اول

    مره لكن عوديهم بطريقتك على هالشي بالتدريج اذا رحتي مره اقطعي عشر خلج ثقيله ومثل ماقلت لج ماعندك شي تخسرينه

    والخطوه الثانيه : ارفعي من قدر نفسك ...... اطلعي من الحاله النفسيه الي انتي فيها واهتمي بمظهرك وبأولادك وتقربي من اهلك واذا

    عندك صديقه تواصلي واطلعي معها رفهي عن نفسك ولاتبينين لزوجك واهله انك زعلانه من زواجه هالشي يفرحهم وبالذات الزوج يحس

    بضعفك ويستقوي اكثر فخلك قويه بيني العكس ، وشوفي النتيجه .....مو بس خواته ....زوجك بيحترمك اكثر وبيعمل لك حساب اكثر .... كل

    ماسفهتي اكثر ورفعتي قدرك اكثر بالمقابل بتلقين احترام اكثر ، لا تزورين اخته وفكري بعذر مناسب لعدم الزياره سواء هم سألوكي او زوجك


    واشتري صحتك


    ويشهد الله اني وضعت نفسي مكانك ونصحتك كما انصح نفسي ..... لأن الكثيرات منا مروا بمثل هالمواقف وكل وحده منا لابد لها خلاصة


    تجربه وواجب تفيد غيرها .

تابعي تجارب أخرى من هذا القسم.