اعطوني رأيكم يا بنات

أنا عندي سؤال محرج و أتمنى الي عندها نفس مشكلتي تحكي عن تجربتها عشان أستفيد...
أنا عروس جديدة ..و أنا الحمد لله بشهادة الجميع جميلة و ممشوقة القوام.. و القوام هو المشكلة..
قبل 5 سنوات تقريبا نزلت 20 كيلو بدون ممارسة الرياضة ز تخيلوا الترهلات و التشققات في كل الجسم.. و طبعا هاد الشي ما يبين بالبس..
المهم بعد الزواج.. زوجي ما فتح معي الموضوع أبدا و هو الحمد لله يحبني و متزوجين عن حب.... بس أحس أنه انصدم بس شافني على حقيقتي لأنه المظهر بالملابس مختلف كلياً و كان متوقع اني جذابة أكثر...
ايش رأيكم يا بنات ؟؟ أنا مكبره الموضوع ؟؟؟

10 تعليق 1,119 مشاهدة

شاركي في النقاش

سجلي الدخول لإضافة تعليق.

التعليقات

10
  1. @gmr_ghd_2

    حبووبه ايوا انتي مكبره
    دام انه يحبج قولي الحمدالله

    لاتخلين الشيطان يلعب براسج
    وزي مانتي واثقه بقوامج خلج
    واثقه من مظهر جسمج طالماانه
    مافاتحج انتي تشوفين هالنقص لعدم
    الثقه
    خلج واثقه حبووبه وانسي هالشي اللي في بالج


    وقولي الحمدالله الريال يحب المراه النظيفه
    واحساسج شيليه وربي يهنيج:)
  2. @zoona

    لا مو مكبره الموضوع
    واللي في نفس وضعك يعرفون احساسك بالضبط

    لكن هل في يدك شي تسوينه؟
    غير الرياضه وبعض الكريمات اللي يقولون انها تشد...

    أصلا بالعكس المفروض تفرحين كلما تشوفين الترهلات ... لأن هذا دليل على انجازك الكبير يوم فقدتي الوزن.. و 20 كيلو مو هينه...

    أهم شي أنتي لا تبينين جدام زوجك انك متضايقه من هالموضوع
    خلك واثقه من نفسك،، ومثل ما قلت لك، لازم تكونين واثقه من نفسك لأنك بالفعل حققتي انجاز كبير وهاذي التشققات هي البرهان على هالشي..
    ولا تلفتين انتباه زوجك الى هالموضوع اذا كان للحين ما انتبه

    تعاملي مع جسمك على أساس انه الجسم الرشيق والقوام المشوق اللي الناس تمدحه...
    وتغاضي عن العيوب... ولا كأنك تشوفين شي
  3. لازم تكون ثقتك بنفسك اكبر وما تبينين جذامه انك مهتمة برايه بهالموضوع
    واتأكدي انه محد كامل
    وهو بعد اكيد موب كامل بعد..
    عيشي حياتك الزوجية عادي
    وحاولي تهتمي بنفسك وبجسمك بس بدون ما تبينين له هالشيء..
    وبالتوفيق

تابعي تجارب أخرى من هذا القسم.