السلام عليكم ورحمة الله وبركاته
الحمد لله على كل حال
ولا حول ولا قوة إلا بالله
خواتي أنا خريجة الكلية المتوسطة لي 12سنة
وكل سنة أسجل في الوظايف اللي تنزل ومايطلع لي شيء ومع ذلك اقنع وارضى وأقول نصيب ورزقي بيجي وله يوم
ولما سجلت بجدارة كان أخر يوم في التسجيل لأني سمعت انهم بيفتحون لنا مجال وتوكلت على الله وسجلت وجاء يوم السبت وقالوا عدلوا على بياناتكم وعدلنا وطلع أسمي والحمد لله وكلي أمل في الله ثم في مطابقة أوراقي يوم الأربعاء القادم ولما دخلت ألآن على المنتدى إلا والخبر الصاعقة طرد الدبلوم والحسد والحقد وكلام كثير فيه غلط على خريجات الدبلوم ..........................
المهم أبي اقول إن كل شيء بقضاء وقدر وما أحد يأخذ بهالدنيا إلا نصيبه إن كنا إحنى خريجات الدبلوم أو خواتي خريجات البكالوريس
مأحد يتعدى على لقمة غيرة وكلن له نصيبه من الخير والشر
أخيرا
خواتي خريجات الدبلوم ربكن كريم معين رحيم ونصيبكن بيصيبكن وربي يوفقكن ويسعدكن
وخواتي خريجات البكالوريس ربي يرزقكن من حلاله ويوفقكن وتذكرن مأحد يأخذ لقمة غيرة
دعواتكن لي بالتوفيق
شاركي في النقاش
سجلي الدخول لإضافة تعليق.
التعليقات
11- اختي ام سديم
أسأل الله عالم الأسرار ومسير الأمطار ومولج الليل في النهار
عالم الشكوى وكااشف البلوى أن يرزقكِ من حيث لا تحتسبي وأن يسخر لكِ عبيدة
توكلي ووكلي امرك لله الواحد القهار وربي سبحانه لن يخذلك
وسامحي البنات والتمسي لهن العذرلأنهن والله مجروحات ومكسورات الخاطر الله يعينهم ويعينك يارب
ربي يوفقك ع ذوقك وسمو اخلاقك - الله يوفقك ويرزقكم بالوظايف اللي تريحكم ,, مو ذنبكم ذنب البرنامج الخايس حقهم
- حبيبتي من قال فيه حسد وحقد عليكم بالعكس الله يرزقنا واياكم من فضله
كلنا بحاجة الوظيفة وكلنا تعبنا في الدراسه والحصول ع الشهادة
بس المشكله في الفهم الخاطئ لبعض خريجات الدبلوم الله يهدينا وياهم لما تقولين لها ان الدبلوم راح يستبعدون
تقولك ياحسوده ياحقوده ماتدري ان هالشي من الاساس موضح ان الوظايف ع المستوى الخامس وهالمستوى
مايعين عليه الا البكالوريوس وهالشي كان معلن عنه من البدايه وغلطتهم انهم سجلوا ببيانات خاطئة باختيارهم في
المؤهل لان ماكان قدامهم الا خيارين الدرجة الجامعيه والثانية كلية اعاد المعلمات وراحوا اختاروه وبهالشي لخبطوا
المفاضله والحين راح يستبعدون وتصير مفاضله جديده والاحرى يطلعون دبلوميات جديدات وراح يستبعدون
على كذا متى نخلص !!!!
ماحد حسدكم ولا حقد عليكم لكن انتم الله يهديكم ماتبون احد يقو انكم غلطتوا
الله يرزق الجميع من واسع فضله - الله يفررررررررررررجها لي ولك ولجميع بنات المسلمين
- أخواتي مشكورات وربكن كريم وأسأله يستجيب دعائكن ودعائي
وغاليتي (هدوء) لما تكلمت عن الحسد والحقد ماقصدت به أحد لا هؤلاء ولا هؤلاء أنا أتكلم عن الكل وأتمنى من الكل القناعة فقط لا غير
لا نحاسب الناس على مشاعرهم لكن ما يؤلمك يؤلم غيرك
وأختي ماكلة الجو ربي يوفقك
وأنا خريجة علوم ورياضيات ومو مقدمة في الرياض
مواضيع مشابهة
تابعي تجارب أخرى من هذا القسم.