والله يا بنات اكتب لكم والدموع تملأ عيني ... اليكم مشكلتي

يا حبيبتي لا يضيق صدرك ولا تتكدرين وهذا كله ترى من حرصهاا عليك وعلى مصحلتك

ومعليش استحميلي كلها اقل من شهر والاجازه جايه وكل هذا بيررروح ان شاء الله لما تشوفين نجاحك بتفوق


كثرررري الدعاء واصبري وان شاء الله ربي بيوفقك

الله لا يفرقكم
يكمن امك تحب الدراسة والتفوق لك

الله يخليلك امك اللي حريصه عليك
حسبتك بتقولين ارجع من المدرسه واسوي الغدا واغسل المواعين وارتب البيت واذاكر لخواني واسوي العشا واغسل واكوي وووووووووووووو
اول شي تسوينه تدعين لامك بطولة العمر والصحه وان الله يخليها لك فيه ناس تتمنى امها موجوده ولو وش ماكانت تسوي تسوي
ثاني شي ركزي على دراستك لانها هي سلاحك
الله يوفقك في دراستك

عزيزتي أميره رقيقه....

أنا متأكده انك انتي عارفه ان اللي امك تسويه هو اهتمام زائد من ناحيتها وخوف على مصلحتك،، وهالشي يحسب لها مو عليها

أنا مثلك لما كنت صغيره كنت اتضايق من الاهتمام الزايد بدراستي،، والمدرسين الخصوصيين، وعلى هذا كله كانوا يبوني أنمي هواياتي بعد ما أخلص دراسه،، يعني حتى الهوايات نوعا ما كنت مجبره عليها مثل دروس الرسم والفرنسي وغيره وغيره

لكني الحمدلله طلعت متفوقه وأبدعت في بعض الامور الثانيه،، يعني انا اللي استفدت في النهايه

والحين أشوف قرايبي اللي اهاليهم ما كانوا يدرون عنهم،، أشوف انا وين وهم وين، واقول الحمدلله اللي عطاني أهل حريصين علي الى هاذي الدرجه

صدقيني هالاختناق اللي تحسين فيه فتره وبتعدي،، انتي من ضغط الدراسه تحسين ان امك ما تحس فيك وانك مكبوته ...

كلها كم سنه ان شاءالله وتفرغين من الدراسه
وانتي حاولي تتقربين من امك،، واذا كلش شفتي نفسك تعبانه، حاولي تتفاوضين معاها على تقسيم الوقت بين الدراسه والراحه
فهميها انك ما تطلبين وقت للعب أو للطلعه او للتلفزيون،، انك انت بس تبين وقت للراحه،، عشان تقدرين تجددين نشاطك وتركزين بالدراسه

وان شاءالله هي بتقدر هالشي لأن ما في أم ترضى التعب لعيالها

الله يوفقك :)

يا عمري عليك
والله على بالي فيه شي كايد

الحين أمك ماسوت اللي سوته إلا عشانك مهتمة فيك
يعني شايله همك
يمكن طريقتها غلط في الصراخ والهواش بس والله في الأخير عشان مصلحتك

يا عزيزتي هذا دليل واضح لحبها لك
يعني مثلاً تخاف تعطيك وجه وتقومين تدلعين وتترجينها انك ما تبين المدرسة اليوم
وبعدين المدرسة ما أظن ببلاش فكري فيها أنت بعد ما يصير يكلفون على أنفسهم وتجين أنت وتقولين لا اليوم ما أبغى أشوف وجهها

وبعدين هي أكيد تشوفك كبرتي يعني ماتحتاجين للدلع

هذي كانت نظرة أمي لي
بعد ما تزوجت وخرجت من البيت
قالتلي: يا بنتي سامحيني أنا أدري أني أحياناً أقسى عليك لكن لأني شفت عقلك أكبر من سنك


وحطيها في بالك
مافي أم تخلف وتتعب وتربي وتكره أبنها أو بنتها في الآخر

(لكن كثير من الأمهات لا يستطعن التعبير عن مشاعرهن اتجاه ابنائهن)

وترى التربية تلعب دور في هذا الموضوع
يعني البيت اللي تربت فيه أمك ما كانت تشوف أمها تسأل عنها أو ما تهاوشها على شي سوته غلط

صارت ذي الفكرة في راسها ما أن يكبر أحد عيالها ماله داعي تبينلة الحب والحنان مثل قبل لأنه صار الوقت المناسب اللي يعتمد فيه على نفسه
أتمنى أختي أنك فهمتيني

ونصيحة بري أمك قد ما تقدرين قبل مايجي الوقت اللي تطلعين فيه من البيت وتشوفين الدنيا على حقيقتها
هذيك الساعة تتمنين انك ترجعين
بس عشان تعطينها حقها