انا لله وانا اليه راجعون
الله ياجرك في مصيبتك ويخلف عليك خيرا منها
الحمدلله على كل حال
اصبري ياختي وماصبرك الا بالله
وماتدرين وين الخيره فيه
نصيحه مني ومن تجربه زواج زوجي علي واكثر من مره واول مره عمري 20 وماعندي الابنت
اول شي تسوينه توضي وصلي ركعتين واستخيري بزواجه ان كانه خير لكم يتممه وان كانه شر يفرقهم
ياحبيبتي ماعليك من احد ولاتكلمين احد ولاعاد تجيبين سيره لزواجه
واتركي قولك ان اهله زوجوه لان المزوج الله سبحانه ولو ربي ماراد ماتزوج
مايعلم الغيب الا الله وكائنا من كان اللي سعى بزواجه فهو سبب لاغير
انتبهي تكلمين زوجك خلاص ولاتفتحين معه الموضوع غير مانفتح
خليك على طبعك معه لاتتغيرين استمري بالسؤال عنه برساله بدون كلام في الجوال
ولاتدخلين احد بينك وبينه ولاتتكلمين عند احد عن زوجك الا بالزين وبالمدح مهما سوا فهو زوجك وابو ولدك
وان احد فتح معك طاري زواجه تكلمي بشكل عام وبغموض يعني قولي الحمدلله على كل حال
ماكاين الا كتبة ربي ,سالك احد زوجك صدق تزوج قولي ماشهدت وماادري اكثر من اللي تدرين, واذا قامو يدعون عليه او يتحسبون
قولي لاتاذوني فيه تراي احبه وغالي علي وله فضل علي مانساه مهما سوا وماسوا الا حلال محله رب العالمين
ونصيحه ياختي تفقدي نفسك وراجعيها وعيدي حساباتك بحياتك معه واي غلط انتي سويتيه اعزمي على تصليحه وعطيه حقه
وخليك معه مظلومه ولاظالمه وان كانه بزواجه ظالمك ربي ماراح يوفقه واهم شي استخيري بزواجه وادعي ربي كثير وانتبهي
وش تدعين ,ادعي بدون تعدي ولاظلم ادعي ربي يثبتك ويصبرك ويربط على قلبك ويحفظ عليك عقلك ,ادعي ربي يسخره ويحننه
عليك ويصلح مابينكم , وفوضي امرك لله وكل ماتذكرتي زواجه افزعي للصلاة صلي واستخيري وادعي ربي واذا جالك الشيطان
قولي انا استخرت ربي وربي بيكتب لي مافيه خير ,ومع زوجك التزمي جانب الادب والاحترام واللين ولاتكلمينه بزواجه لانه مايخصك
ولا لك دعوى فيه وخلي كلامك بزواجه مع رب العالمين دعا وشكوى له وحده بس ,حتى امك لاتقولين لها شي يضيق صدرها
ومع زوجك خذي حقك واعطيه حقه وشي يخصه ماعليك فيه ضرر ماعليك منه,صدقيني زواجه الضرر عليه مو عليك والله يعينه
على العدل لان الزواج على ثانيه فتح احساب جديد وله عقوبه يوم القيامه وربي خصيمه سبحانه حرم الظلم على نفسه وجعله
بيننا محرما واجاز للرجال الزواج وامرهم بالعدل وبيحاسبهم عليه والحمدلله رب العالمين
كلامي اللي فوق اكتبه لك وانا افكر ايش خلاك متاكده انه تزوج يمكن كلام بس عشان ترجعين وتحبين الحياه معه
بموووووووت من القهر وتوني عمري24سنه ماتمتعت بحياتي مع زوجي
متابعة النقاش، صفحة 13